20 červienia znoŭ čakajecca niepahadź
Aranžavy ŭzrovień niebiaśpieki z-za navalnic, mocnych vietru i daždžoŭ abjaŭleny ŭ Biełarusi na 20 červienia. Pra heta paviedamlaje Biełhidramiet.
U čaćvier nočču budzie vobłačna z prajaśnieńniami, dniom pieramiennaja vobłačnaść. Unačy i ranicaj na bolšaj častcy terytoryi krainy projduć daždžy, prahrymiać navalnicy, u paŭdniova-ŭschodniaj častcy buduć mocnyja daždžy.
Dniom pieravažna pa ŭschodzie prahnazujucca karotkačasovyja daždžy. U načny i ranišni čas miescami słaby tuman. Viecier paŭnočna-zachodni 5-10 m/s, paryvy ŭzmocniacca da 14 m/s, a ŭ mnohich rajonach dasiahnuć 15-20 m/s.
Aproč inšaha, rezka pachaładaje. Tempieratura pavietra nočču składzie plus 11-17 hradusaŭ, a pa paŭdniovym uschodzie — da plus 19 hradusaŭ, dniom budzie plus 17-23 hradusy.
Čytajcie taksama:
Jakim budzie nadvorje hetym letam?
Minsk siońnia znoŭ trapiŭ pad mocnuju zalevu FOTY i VIDEA
U Zelvienskim rajonie pavalenaje vietram dreva zabiła žančynu
