Namieśnik ministra adukacyi rastłumačyŭ, čamu biełaruskaja daškolnaja adukacyja nie maje anałahaŭ u śviecie. Arhumientacyja aryhinalnaja
Z tłumačeńnia namieśnika ministra adukacyi Alaksandra Kadłubaja, pryviedzienaha dziaržaŭnym ahienctvam BiełTA, faktyčna vynikaje, što biełaruskaja daškolnaja adukacyja nie maje anałahaŭ u śviecie, bo tak ličyć Łukašenka.
«Kiraŭnik dziaržavy Alaksandr Łukašenka na Respublikanskim piedahahičnym saviecie acaniŭ biełaruskuju daškolnuju adukacyju jak tuju, što nie maje anałahaŭ u śviecie. Heta najvyšejšaja stupień pryznańnia jakaści pracy ŭsioj sistemy daškolnaj adukacyi», — zajaviŭ Alaksandr Kadłubaj.
Što da inšych kryteryjaŭ, to čynoŭnik ličyć, što chibnaść zamiežnych sistem vyznačajecca tym, što ŭ mnohich ź ich navučańnie i vychavańnie dziaciej da 3 hadoŭ adnosicca da kampietencyi nie ministerstvaŭ adukacyi, a ministerstvaŭ achovy zdaroŭja ci sacyjalnaj abarony. Što da Biełarusi, to tut
«na ŭzroŭni daškolnaj adukacyi ažyćciaŭlajecca paŭnavartasny adukacyjny praces, i hetym adukacyjnym pracesam zabiaśpiečany achop 54% dziaciej da troch hadoŭ. Dla paraŭnańnia: u 33 krainach śvietu, ź jakimi my suadnosili hety pakazčyk, jon składaje 19%».
Čytajcie taksama:
U Minsku prezientavali školnyja padručniki pa «hienacydzie biełaruskaha naroda»
Čym viadomy namieśnik ministra adukacyi, jaki daŭ ašałamlalny adkaz pra «familiju» ŭ atestatach
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)