U Minsku prezientavali školnyja padručniki pa «hienacydzie biełaruskaha naroda»
Školnyja padručniki «Hienacyd biełaruskaha naroda ŭ hady Vialikaj Ajčynnaj vajny» vypuścili Ministerstva adukacyi i Hienieralnaja prakuratura. Siońnia hetyja dapamožniki prezientavali ŭ minskaj SŠ №137 imia Piatra Mašerava, paviedamlaje pres-słužba Hienprakuratury.
U padručnikach raskazvajuć pra «karnyja apieracyi nacystaŭ, łahiery śmierci, jakija dziejničali na terytoryi BSSR, dziejnaść kałabaracyjanisckich farmiravańniaŭ, a taksama pra podźvih i hieraizm biełaruskaha naroda, uklučajučy dziaciej, jakija addali žyćcio za našu svabodu i niezaležnaść».
Knihi raspracavanyja i vydadzienyja ŭ troch varyjantach — dla 1-4, 5-9 i 10-11 kłasaŭ.
U prezientacyi ŭdzielničali namieśnik ministra adukacyi Alaksandr Kadłubaj, načalnik upraŭleńnia pa nahladzie za rasśledavańniem asabliva važnych kryminalnych spraŭ Hienprakuratury Valeryj Tałkačoŭ, a taksama pradstaŭniki vydaviectva «Adukacyja i vychavańnie», siabry praŭładnych arhanizacyj i inšyja.
Čytajcie taksama:
Na subotnikach u Homielskaj vobłaści źbirali hrošy na pomnik «hienacydu biełaruskaha naroda»
Švied anansavaŭ na listapad pieršy sud nad pamierłym «nacysckim złačyncam»
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)
1.Jakoje datyčeńnie bambardyrovka Kišyniova mieła da biełaruskaha naroda?
2.Bambardyroŭka hramadzianskich abjektaŭ źjaŭlajecca vajennym złačynstvam, ale jakija padstavy ličyć jaje hienacydam? Darečy, pad čas ahresii SSSR suprać FInlandyi 30.11.1939 saviety zdiejśnili varvarskuju bambardyroŭku Chielsinki jak kasietnymi, tak i zvyčajnymi fuhasnymi bombami, ale vielmi mocnymi - FAB-500 i FAB-250. Cikava, što heta čamuści nie pryznajecca hienacydam. Darečy, mienavita bombaj FAB-500 rasiejskija VKS źniščyli teatr u Maryjupali, zabiŭšy kala 300 čałaviek.