Pryznali palitviaźniami jašče 5 čałaviek
17 červienia pravaabaroncy pryznali palitviaźniami jašče 5 čałaviek. Ahulnaja kolkaść ludziej, jakija na siońnia źjaŭlajucca ŭ Biełarusi palitviaźniami, składaje 1409 čałaviek.
U śpis palitźniavolenych byli dadadzienyja nastupnyja proźviščy: Viačasłaŭ Niehadzienka, Alaksandr Ioda, Jazep Duleba, Anatol Vaładźko, Aksana Lapko.
Chto hetyja ludzi i čamu pravaabaroncy ličać ich spravy palityčna matyvavanymi, možna daviedacca tut.
Śpis usich palitviaźniaŭ Biełarusi — tut.
Usiaho na hety momant palitviaźniami, pavodle acenak pravaabaroncaŭ, pryznanyja 1409 čałaviek. Apošnim časam ahulnaja ich kolkaść istotna nie raście i navat časam źmianšajecca. Ale heta nie tamu, što represii ŭ Biełarusi mienšajuć, — prosta paralelna z novymi vypadkami źniavoleńnia pa kryminalnych spravach idzie praces vyzvaleńnia tych asudžanych, chto całkam adbyŭ svoj termin. Taksama sudy niekatorym prysudžajuć «chatniuju chimiju», paśla čaho čałaviek vychodzić z turemnych ścien, tamu bolš nie ličycca viaźniem.
Varta taksama ŭličvać, što ŭ statystyku ŭvachodziać daloka nie ŭsie, chto znachodzicca ŭ źniavoleńni z palityčnych pryčyn, realnaja kolkaść biełaruskich palitviaźniaŭ našmat bolšaja. Pra vielmi mnohich pravaabaroncam prosta ničoha nie viadoma.
Čytajcie taksama:
Staŭ viadomy zavočny prysud Leanidu Sudalenku
Alaksandra Fiadutu viarnuli ŭ kałoniju sa špitala
Pravaabaroncu Valancina Stefanoviča pieraviali ŭ PKT na paŭhoda
