Alaksandra Fiadutu viarnuli ŭ kałoniju sa špitala
Palitołaha i litaratara Alaksandru Fiadutu asudzili ŭ vieraśni 2022 hoda na 10 hadoŭ źniavoleńnia z-za abvinavačańnia ŭ «zmovie z metaj zachopu ŭłady». U źniavoleńni zdaroŭje palitviaźnia rezka pahoršała.
Alaksandr Fiaduta padčas suda. Fota: BiełTA
«Alaksandr Fiaduta pa-raniejšamu chodzić, abapirajučysia na kijok. Lažaŭ u špitali, padlačyli — i znoŭ u atradzie. Musić chadzić na pracu, ale vidać, što pierasoŭvajecca ź ciažkaściu», — paviedamiła Radyjo Svaboda krynica pra stan Alaksandra Fiaduty.
Sioleta ŭ listapadzie Alaksandru Fiadutu spoŭnicca 60 hadoŭ.
Taksama surazmoŭca Svabody zhadaŭ lidara niezaležnych prafsajuzaŭ REP Vasila Bieraśniova, asudžanaha na 9 hadoŭ kałonii. Palitviaźniu 73 hady, u jaho niama adnoj nyrki. Letaś paŭstavała pytańnie pra apieracyju dla Bieraśniova, ale ŭ turemnych umovach jaje nie zrabili i paśla abśledavańnia viarnuli palitviaźnia ŭ kałoniju.
«Bieraśnioŭ znachodzicca ŭvieś čas u atradzie, jon piensijanier, na vytvorčaści nie pracuje. Viaźni bačać jaho, kali vychodzić z atradu pa leki, miedyčnuju dapamohu. Vyhladaje stomlenym, a bolš pra jaho ničoha nie viadoma», — raskazała krynica pra Vasila Bieraśniova.
Pavodle źviestak surazmoŭcy, adzin z palitviaźniaŭ PK-15 sioleta atrymaŭ dadatkovy termin pa 411-m artykule KK («Niepadparadkavańnie zakonnym patrabavańniam administracyi papraŭčaj ustanovy») i byŭ adpraŭleny ŭ inšuju kałoniju. Kudy nakiravali palitviaźnia, nieviadoma.
Čytajcie taksama:
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)