Pucin pryznačyŭ namieśnicaj ministra abarony svaju plamieńnicu
Uładzimir Pucin pravioŭ novyja pierastanoŭki ŭ Ministerstvie abarony Rasii. Siarod pryznačanych im novych namieśnikaŭ ministra — Hanna Cyvilova, jakaja, pa infarmacyi ŭrada Vialikabrytanii, źjaŭlajecca stryječnaj plamieńnicaj Pucina.
Hanna Cyvilova
Pucin vyzvaliŭ ad pasad čatyroch namieśnikaŭ ministra abarony z kamandy byłoha ministra Siarhieja Šajhu: Mikałaja Pankova, Rusłana Calikava, Taćcianu Šaŭcovu i Paŭła Papova.
Novapryznačanaja Hanna Cyvilova na pasadzie namieśnika ministra budzie adkazvać za sacyjalnaje i žyllovaje zabieśpiačeńnie vajskoŭcaŭ, vyvodzić ich na «novy jakasny ŭzrovień».
Akramia Cyvilovaj, novymi namieśnikami ministra abarony Rasii pryznačanyja Leanid Hornin (pieršy namieśnik) i Pavieł Fradkoŭ.
U vypadku karjernaha rostu Paŭła Fradkova taksama možna zaŭvažyć siamiejny pačatak. Jon małodšy syn Michaiła Fradkova, byłoha pucinskaha premjera i eks-kiraŭnika Słužby źniešniaj raźviedki.
Čytajcie taksama:
Zatrymać namieśnika ministra abarony Rasii «dapamahli» ŭkrainskija śpiecsłužby — HUR
U krasaviku 2023 była pryznačana svaim dziadźkaj Pucinym kiravać śviežastvoranym dziaržaŭnym fondam "Abaroncy ajčyny" nibyta dla padtrymki orkaŭ na vajnie. Zrazumieła, što orkam na vajnie ad biudžetnych hrošaŭ paśla hetaj prakładki zastalisia rohi dy nohi.
Tamu pryznačeńnie Cyvilovaj u MA Rasiei zrobić jaje jašče bahaciejšaj. A orki chaj vajujuć čym jość i na lepšaje nie raźličvajuć.