Stali viadomyja praviły debataŭ Trampa z Bajdenam
Prezident Złučanych Štataŭ Džo Bajden i jaho papiarednik Donald Tramp uzhadnili ŭmovy debataŭ, jakija adbuducca 27 červienia na telekanale CNN.
Debaty projduć u Atłancie 27 červienia i stanuć pieršaj asabistaj sustrečaj u kampanii 2024 hoda Džo Bajdena i Donalda Trampa.
Abodva kandydaty pryniali zaprašeńnie telekanała i pahadzilisia z praviłami i farmatam, dasłanymi telekanałam, piša CNN.
CNN adznačaje, što heta buduć 90-chvilinnyja debaty z dvuma rekłamnymi pierapynkami.
Miescy kandydataŭ na scenie buduć vyznačany padkidvańniem maniety.
Mikrafony padčas efiru buduć vyklučanyja i pa čarzie buduć uklučacca dla kandydataŭ na čas vystupu.
Apanienty nie zmohuć skarystacca padrychtavanymi natatkami, adnak u ich rasparadžeńni buduć ručka, błaknot i butelka vady.
Padčas debataŭ aŭdytoryja budzie adsutničać, i pradstaŭniki pieradvybarnych štaboŭ nie zmohuć razmaŭlać sa svaim kandydatam.
Čytajcie taksama:
Jak źmienicca śviet, kali Tramp stanie prezidentam? Razvažaje Epłbaŭm
Zialenski miarkuje, što Tramp moža stać «prezidentam-łuzieram»
«Vinavaty pa ŭsich punktach». Prysiažnyja vynieśli vierdykt pa histaryčnaj spravie suprać Trampa
