«Ja nie antysiemit, ale bolš za pałovu jaŭrejaŭ». Łukašenka na antykarupcyjnaj naradzie supiarečyŭ sam sabie
Padčas antykarupcyjnaj narady z uradam Łukašenka pabačyŭ u karumpavanaści pryznačanych saboj čynoŭnikaŭ etničny padtekst.
Havoračy pra karupcyjnuju spravu z udziełam Ihara Bryło, jaki spačatku byŭ ministram sielskaj haspadarki i charčavańnia, a paśla pamočnikam Łukašenki pa Viciebskaj vobłaści, Łukašenka zhadaŭ, što razam ź im pa kryminalnaj spravie prachodziać try dziasiatki čałaviek i čamuści padkreśliŭ ich etničnaje pachodžańnie.
«Voś try dziasiatki čałaviek pieraličanyja. Vy mianie prabačcie, ja nie antysiemit, ale bolš za pałovu jaŭrejaŭ. Heta što, u nas asablivaje, pryvilejavanaje stanovišča zajmajuć, što jany kraduć i nie dumajuć pra svaju budučyniu? Usie adnolkavyja pierad zakonam. I jaŭrei, i biełarusy, i ŭkraincy, ruskija i palaki», — zajaviŭ palityk.
Hetaje antysiemickaje vykazvańnie pakazali tolki ŭ viačernim efiry na dziaržtelekanale «Biełaruś 1», u pres-relizie na aficyjnym sajcie Łukašenki cytata adsutničaje.
Čytajcie taksama:
Łukašenka znoŭ pahražaŭ uradu: Krok naleva, krok naprava — da ścienki pastavim
Łukašenka nazvaŭ imiony jašče niekalkich vysokapastaŭlenych chabarnikaŭ
Kryminalnuju spravu zaviali na byłoha namieśnika ministra enierhietyki Michadziuka. Jon u SIZA
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)