Kryminalnuju spravu zaviali na byłoha namieśnika ministra enierhietyki Michadziuka. Jon u SIZA
Michaił Michadziuk kuryravaŭ prajekt BiełAES. U śniežni minułaha hoda namieśnika ministra adpravili ŭ adstaŭku. Pra toje, što jon u SIZA stała viadoma siońnia paśla narady ŭ Łukašenki.
Michaił Michadziuk. Fota: Minenierha
26 studzienia 2024 hoda Śledčy kamitet raspačaŭ kryminalnuju spravu ŭ dačynieńni da byłoha namieśnika ministra enierhietyki Michaiła Michadziuka za spryjalnaje vyrašeńnie pytańniaŭ pa vybary zamiežnaj kampanii ŭ jakaści padradčyka dla budaŭnictva i madernizacyi vysakavoltnych padstancyj u Biełarusi, piša sb.by.
— Heta značyć na tabie padstancyju, idzi i madernizuj, ale ty mnie daj chabar. Dziasiatki tysiač dalaraŭ! Čałaviek usio žyćcio adpracavaŭ u Ministerstvie … dzie jon ciapier? — zadaŭ pytańnie Alaksandr Łukašenka.
— Jon tam, — adkazaŭ namieśnik premjer-ministra Piotr Parchomčyk.
— Dzie «tam»? — udakładniŭ Łukašenka.
— U SIZA, — kankretyzavaŭ vice-premjer.
— Ja ciabie papiaredžvaŭ nie adzin raz! Heta tvaje padnačalenyja! — aburyŭsia Łukašenka.
Čytajcie taksama:
Łukašenka znoŭ pahražaŭ uradu: Krok naleva, krok naprava — da ścienki pastavim
Namieśnika ministra enierhietyki Michadziuka adpravili ŭ adstaŭku
Łukašenka raskazaŭ, što Markava ŭhavorvali być ministram infarmacyi
