Markaŭ: Revalucyi ŭ Mininfarmie nie budzie
Novy ministr zajaviŭ, što budzie prytrymlivacca raniejšaj linii.
Fota: BiełTA
Marat Markaŭ, jakoha Łukašenka pryznačyŭ ministram infarmacyi, vykazaŭ mierkavańnie, što linija, abranaja viedamstvam u apošnija hady, była pravilnaj.
«I ja dastatkova dobra viedaju, jak hetaja praca pravodziłasia, u jakich kirunkach. Tamu revalucyi ŭ hetym płanie dakładna nie budzie, budzie całkam vyraznaja i paśladoŭnaja praca», — zajaviŭ Markaŭ.
Eks-kiraŭnik ANT adznačyŭ, što razumieje, jakija zadačy pierad im stajać, piša BiełTA.
«Tamu havorka idzie pra paśladoŭnaje raźvićcio dalej, a nie pra toje, kab rabić revalucyju ŭ niejkaj śfiery i pakazvać bačnaść pracy. Budzie narmalnaja praca», — reziumavaŭ Markaŭ.
Na dumku novaha ministra, viedamstva pavinna «zabiaśpiečyć dalejšaje poŭnaje daminavańnie na ŭłasnym infarmacyjnym poli, u ramkach Biełarusi». Markaŭ paabiacaŭ nadavać uvahu jak tradycyjnym ŚMI, tak i novym miedyja.
Čytajcie taksama:
Marata Markava pryznačyli ministram infarmacyi
Łukašenka raskazaŭ, što pad vybary vydatkavaŭ na prapahandystaŭ «niemałyja hrošy»
Ruskamirnaja mastačka Žyhimont aburyłasia z nahody pryznačeńnia Markava
