«Zanadta śmieły, zanadta dziorzki, vydatny strateh». Prapahandysty pačali ablizvać novaha ministra infarmacyi
Siońnia stała viadoma pra pryznačeńnie byłoha kiraŭnika ANT Marata Markava ministram infarmacyi. Karespandentka telekanała ANT u Rasijskaj Fiederacyi Śviatłana Karulskaja apublikavała post zachapleńnia novym ministram.
Marat Markaŭ
«Epocha Markava», — tak Karulskaja nazvała čas kiravańnia Markava telekanałam.
«U tym, što Marata Siarhiejeviča zabiaruć ad nas na pavyšeńnie, apošnim časam sumnievaŭ nie było. Zanadta śmieły, zanadta dziorzki, vydatny analityk i strateh. Čałaviek, jaki ŭmieje prymać rašeńni, brać za ich adkaznaść i vučyć hetamu ŭsich u kalektyvie. Pad jaho kiraŭnictvam nikoli nie adčuvałasia skraźniakoŭ za śpinaj, vielmi važny stan — nie bajacca.
A ŭžo toje, što ŭ jaho zakachanyja ŭsie panienki kanała…
Uvohule, mnie siońnia i sumna i radasna adnačasova. Naša bracija atrymała vydatnaha ministra infarmacyi. Z takim ničoha nie prajhrajuć, tamu što «projhryš» i «Markaŭ» — słovy antonimy», — napisała Karulskaja.
Śviatłana Karulskaja
Jana dadała, što chacieła b, kab i ŭ novym statusie Markaŭ nie kidaŭ prahramu «Ničoha asabistaha».
«Prykład Švydkoho: možna sumiaščać», — napisała jana.
Taksama Karulskaja nie pakryŭdziła i novaha kiraŭnika ANT Ihara Łuckaha.
«ANT vychodzić na novy etap. Heta badzioryć, što i jość formuła luboha dziejańnia. Tak što, pracujem dalej. Nie zamiest, a razam», — dadała jana.
Čytajcie taksama:
BT zapisała prapahandysckaje intervju z Darjaj Łosik jašče ŭ sakaviku, ale pakaža tolki ciapier
Łukašenka nie pieršy raz prasiŭ prapahandystaŭ zbavić hradus
