Hetym letam navukoŭcy pieraličać usich busłoŭ
Śpiecyjalisty Nacyjanalnaj akademii navuk abviaścili ŭ Biełarusi pierapadlik biełych busłoŭ. Takija padliki pravodziacca rehularna, raz na 10 hadoŭ. Jany dazvalajuć lepš fiksavać i razumieć papulacyjnyja źmieny hetaj ptuški. Prytym pierapis pravodzicca nie tolki ŭ Biełarusi.
Apošni pierapis biełych busłoŭ pravodziŭsia ŭ 2014 hodzie. Pavodle jaho vynikaŭ, u Biełarusi hniezdavałasia 22,5 tys. par biełaha busła. Heta kala 8% suśvietnaj papulacyi.
U 2024-m busłoŭ majuć namier pieraličyć va ŭsich krainach ich pražyvańnia. U Biełarusi takija zamiery pravodziacca z 1957 hoda, z 1974-ha — raz u 10 hadoŭ.
Arhanizatary ŭliku biełaha busła ŭ 2024 hodzie prosiać biełarusaŭ uziać u hetaj spravie aktyŭny ŭdzieł. Dla hetaha treba zapoŭnić ankietu, raźmieščanuju na resursach NAN, i vysłać jaje lubym zručnym sposabam: pa pošcie na adras:» Ulik busłoŭ», DNVA» Navukova-praktyčny centr NAN Biełarusi pa bijaresursach», vuł. Akademičnaja 27, 220072, Minsk albo pa elektronnaj pošcie: [email protected].
Aŭtary daśledavańnia rekamiendujuć pravodzić ulik u druhoj pałovie siezonu razmnažeńnia busłoŭ. Heta červień-lipień. Tady zrazumieła, nakolki paśpiachova abo niaŭdała hniezdavałasia para busłoŭ. Pa mahčymaści taksama atrymoŭvajecca acanić pamier vyvadku.
Kolkaść ptušaniat lepš paznačać bližej da času ich vyletu, bo ŭ pracesie hniezdavańnia časam adbyvajecca ich hibiel z-za niepahadzi, abvalvańnia hniazda i inšych pryčyn.
Čytajcie taksama:
Nad Čarnobylskaj zonaj zładzili pavietrany boj arłany-biełachvosty i bieły busieł FOTY
Dzie možna pašpijonić za ptušynymi hniozdami ŭ internecie?
U Homieli ratavalniki źniali z dachu biełaha paŭlina FOTAFAKT
Paleski čorny busieł znajšoŭsia ŭ Partuhalii. Heta niezvyčajna
