U škołach uviaduć fakultatyŭ pa miedycynie
Zaniatki prapanujuć navučencam X-XI kłasaŭ.
Fota: Minzdaroŭja
Minadukacyi zaćvierdziła prahramu jašče adnaho školnaha fakultatyva: «Uvodziny ŭ miedycynskuju prafiesiju». Pastanova apublikavanaja na Nacyjanalnym pravavym partale, piša Tochka.by.
U navučalnuju prahramu ŭklučyli nie tolki teoryju, ale i praktyku, i navat ekskursii ŭ miedustanovy. Daktarami paśla fakultatyva, viadoma ž, školniki nie stanuć, a voś ujaŭleńnie pra miedycynskija prafiesii i bazavyja navyki atrymajuć.
U Ch kłasie na zaniatkach vyvučać historyju miedycyny, sistemu miedadukacyi ŭ Biełarusi, abmiarkujuć vobraz miedycynskaha rabotnika. Astatnija hadziny pryśvieciać zdarovamu ładu žyćcia, asnovam hihijeny i mieddapamohi nasielnictvu.
A voś u XI kłasie piarojduć da bolš składanych rečaŭ — anatomii, fizijałohii i navat farmakałohii. Dzieciam raskažuć ab mietadach dyjahnostyki i miedycynskaj reabilitacyi.
Skryžavańnie z «miedycynskaj padrychtoŭkaj»
U X-XI kłasach jość taki pradmiet, jak Dapryzyŭnaja i miedycynskaja padrychtoŭka». Błok pa miedycynie prachodziać dziaŭčynki.
Niekatoryja temy zaniatkaŭ pierasiakajucca z prahramaj fakultatyva. Naprykład, i tam i tam prachodziać lekavyja preparaty, pieršuju miedycynskuju dapamohu, nakładańnie paviazak.
Ale roźnica ŭsio ž taki jość: na ŭrokach «miedycynskaj padrychtoŭki» ŭpor robiać na adpracoŭku navykaŭ. Naprykład, šmat vučebnych hadzin adviedziena na toje, kab školniki navučylisia rabić paviazki.
U toj ža čas na fakultatyvie ŭpor robicca na aznajamleńnie z prafiesijaj, tamu ŭ prahramu ŭklučany i ekskursii ŭ miedustanovy, apteki i inš.
Čytajcie taksama:
U škołach źjavicca siem novych fakultatyvaŭ
«Patrebien asobny raździeł». U novym školnym padručniku historyi raskažuć pra padziei 2020 hoda
Na biełaruskim školnym fakultatyvie źbirajucca vyvučać tvorčaść «Bi-2»
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)