Unačy USU raźbili zienitny rakietny dyvizijon S-400 i dva S-300 u Krymie — Hienštab
Unačy 10 červienia USU parazili zienitna-rakietny dyvizijon S-400 i dva zienitnyja rakietnyja dyvizijony S-300 ŭ akupavanym Krymie. Pra heta paviedamlaje Hienštab USU.
Kompleks S-300. Ilustracyjny zdymak
«Unačy siły abarony Ukrainy nanieśli paśpiachovyja ŭdary pa adnym zienitnym rakietnym dyvizijonie S-400 akupantaŭ u rajonie Džankoja, a taksama dvum varožym zienitnym rakietnym dyvizijonam S-300 kala Čarnamorskaha i Jeŭpatoryi… Dziakujučy ŭdałaj bajavoj pracy sił abarony, SPA rasijskich zachopnikaŭ va ŭkrainskim Krymie paniesła istotnyja straty», — paviedamlaje Hienštab.
U Hienštabie dadali, što rasijanie nie zmahli pierachapić nivodnuju z vypuščanych rakiet
Paśla ŭdaraŭ ukrainskich rakietčykaŭ u nazvanych rajonach zafiksavali nieadkładnaje spynieńnie pracy radaraŭ kompleksaŭ S-300 / S-400.
Krynicy vydańnia ASTRA paviedamili, što ŭ vyniku ŭkrainskaj ataki paškodžanyja 2 kompleksy S-300 i 4 RŁS, 1 vajskoviec 31 dyvizii SPA MO RF zahinuŭ, 6 paranienyja.
Čytajcie taksama:
Ukrainski vajskovy samalot upieršyniu ŭdaryŭ pa terytoryi Rasii
Rasija viarbuje ŭ svajo vojska maładych afrykancaŭ — Bloomberg
Makron stvaraje kaalicyju dla adpraŭki vajskovych instruktaraŭ va Ukrainu
