Sabalenka aficyjna pierastała być druhoj rakietkaj śvietu
U dvaccatku najlepšych viarnułasia Viktoryja Azaranka.
Aryna Sabalenka. Fota: Aurelien Morissard / AP
Siońnia byŭ apublikavany novy rejtynh-list tenisistak śvietu. Aryna Sabalenka aficyjna pierastała być druhoj rakietkaj śvietu.
Aryna vybyła ŭ čverćfinale «Rałan Haros» i apuściłasia na treciaje miesca. Jaje abahnała amierykanka Kory Haŭf. Adstavańnie ad pieršaj rakietki śvietu i pieramožcy «Rałan Haros» Ihi Śviontak składaje 3907 bałaŭ, ad Kory Haŭf — 200 bałaŭ.
Wtatennis.com
Aryna Sabalenka stała druhoj rakietkaj śvietu ŭ kancy studzienia 2023 hoda, kali pieramahła na Adkrytym čempijanacie Aŭstralii (Australian Open), a vosieńniu 2023-ha dva miesiacy była pieršaj rakietkaj śvietu.
Zatoje Viktoryja Azaranka padniałasia ŭ dvaccatku najmacniejšych. Ciapier jana 19-ja 2234 bałami.
Čytajcie taksama:
Śviontak treci raz zapar vyjhrała «Rałan Haros». Adryŭ ad Sabalenki amal 4000 bałaŭ
