«Tych, chto mianie padtrymlivaje, bolš, čym chejtaraŭ». Sabalenka raspaviała, jak adnosicca da kamientaroŭ u sacsietkach
Biełaruskaja tenisistka Aryna Sabalenka raskazała, jak adnosicca da kamientataraŭ i jak spraŭlajecca ź niehatyvam u sacsietkach.
Aryna Sabalenka. Fota: AP Photo / Aurelien Morissard
— Padčas turniru ja starajusia nie hladzieć kamientary ŭ sacsietkach, tamu što kali pačnieš niešta šukać, to abaviazkova znojdzieš niešta drennaje i stanieš pra heta dumać. Ja prosta pakazvaju svajo žyćcio na turniry, zastajusia na suviazi ź ludźmi. A paśla turniru ŭžo čytaju ŭsio dobraje, usie kamientaryi. I vielmi šanuju hetuju padtrymku. Vydatna, što ludzi mianie dobra razumiejuć, — pieradaje jaje słovy «Trybuna».
Na pytańnie, jak spraŭlajecca ź niehatyŭnaj reakcyjaj, Sabalenka adkazała:
— Usio prychodzić z vopytam. Niehatyŭščyki zvyčajna samyja hučnyja, i ja prosta imknusia ich ihnaravać. Razumieju, što niemahčyma prymusić uvieś śviet lubić siabie. Heta narmalna. Ničoha strašnaha, kali ja kamuści nie padabajusia. Viedaju, što tych, chto mianie padtrymlivaje, bolš, čym chejtaraŭ. Ja starajusia dumać pazityŭna, — skazała Sabalenka.
Čytajcie taksama:
Aryna Sabalenka pierastała chavać, z kim sustrakajecca
Pacałunak Sabalenki i biznesoŭca z Brazilii trapiŭ u tranślacyju. Jaho žonka moža padać na razvod
Sabalenka pra hibiel Kalcova: Choć my bolš nie byli razam, majo serca raźbitaje
