Minabarony raspaviało pra asablivaści parada da Dnia Niezaležnaści
U paradzie da Dnia Niezaležnaści buduć udzielničać tolki novyja i madernizavanyja ŭzory vajennaj techniki, a taksama ŭpieršyniu buduć «Iskandery-M». Ab hetym žurnalistam paviedamiŭ namieśnik načalnika ŭzbrajeńnia Uzbrojenych Sił Siarhiej Tomčyk.
Na aeradromie Lipki praciahvajecca padrychtoŭka miechanizavanaj kałony da parada vojsk Minskaha harnizona.
«Usiaho ŭ składzie miechanizavanaj kałony prymuć udzieł bolš jak 250 adzinak roznych uzoraŭ techniki, u tym liku bolš za 30 novych uzoraŭ. U paradzie prymuć udzieł pierśpiektyŭnyja ŭzory techniki, jakija raspracavany pradpryjemstvami Dziaržaŭnaha vajenna-pramysłovaha kamiteta», — skazaŭ Siarhiej Tomčyk.
Uzory vajskovaj techniki projduć u składzie miechanizavanaj kałony. Pieršym projdzie paradny raźlik, jaki składajecca z 10 tankaŭ T-34.
Taksama ŭ paradzie ŭpieršyniu prymuć udzieł apieratyŭna-taktyčnyja kompleksy «Iskander-M».
Ciapier udzielniki parada trenirujucca trojčy ŭ tydzień: piešaja kałona — na placy Minskaj vajennaj kamiendatury, miechanizavanaja kałona — na aeradromie Lipki, piša BiełTA.
Čytajcie taksama:
Drakachrust acaniŭ šancy Viktara i Mikałaja Łukašenkaŭ na ŭładu
Kola Łukašenka padčas vizitu ŭ Manholiju chadziŭ u majcy z emblemaj Słužby biaśpieki prezidenta
Kolki atrymlivajuć na aršanskim zavodzie «Lehmaš», jaki ciapier pracuje na vajnu
