Kolki atrymlivajuć na aršanskim zavodzie «Lehmaš», jaki ciapier pracuje na vajnu
Zavod «Lehmaš» u Oršy, jaki da vajny vypuskaŭ tekstylnyja stropy i kazany dla płovu, ciapier aryjentujuć na patreby vajny. Na dziaržTB raskazali, jakija tam zarpłaty.
Na zavodzie «Lehmaš». Fota: BiełTA
Jak śćviardžajuć na BT, zarobki ŭ rabotnikaŭ — 2500-2800 rubloŭ.
«I vyšejšaj adukacyi dla kankretna hetaj pracy nie treba», — dadajuć.
Kali zajści na sajt słužby zaniataści, to na zavodzie «Lehmaš» adkryta 67 vakansij. Z taho, što jość, samy vysoki zarobak prapanujuć abrubščyku — 1800-2000 rubloŭ. Inžynieraŭ šukajuć na zarobak 1600-1800 rubloŭ, tam patrebna vyšejšaja adukacyja.
Na zavodzie «Lehmaš». Fota: BiełTA
Nahadajem, 29 maja Alaksandr Łukašenka naviedaŭ zavod «Lehmaš» u Oršy. Jaho tam sustrakaŭ Dźmitryj Pantus, kiraŭnik Dziaržaŭnaha vajskova-pramysłovaha kamiteta, jaki kiruje pradpryjemstvami biełaruskaha VPK. Siarod asartymientu pradukcyi zavoda, jakuju demanstravali Łukašenku, byli tarmaznyja kołcy dla rasijskaha RSZA «Hrad». A taksama korpusy dla artyleryjskich snaradaŭ.
Łukašenka na zavodzie «Lehmaš». Fota: BiełTA
Łukašenka pastaviŭ pierad pradpryjemstvam zadaču zachavać i naroščvać vypusk pradukcyi mirnaha pryznačeńnia razam z zasvajeńniem vytvorčaści novych vyrabaŭ dla VPK.
Apytanka
Čytajcie taksama:
Čamu 31-hadovaha dyrektara «Lehmaša» na sustreču z Łukašenkam apranuli ŭ formu?
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)