U sutyknieńni maršrutki i traktara ŭ Babrujskim rajonie paciarpieli 13 čałaviek, dvoje ŭ reanimacyi
Ministerstva achovy zdaroŭja vydała pres-reliz pa vynikach DTZ ŭ Babrujskim rajonie, dzie maršrutka, poŭnaja pasažyraŭ, sutyknułasia z traktaram MTZ.
Pavodle paviedamleńnia śpiecyjalistaŭ Respublikanskaha centra miedycynskaha reahavańnia Minzdaroŭja, u vyniku DTZ 13 z 17 pasažyraŭ źviarnulisia pa miedycynskuju dapamohu.
Dvoje paciarpiełych paśla akazańnia pieršaj dapamohi samastojna pajechali ŭ Rečycu, a 11 źviarnulisia ŭ Babrujskuju balnicu chutkaj miedycynskaj dapamohi i ŭ Babrujskuju centralnuju balnicu.
U vyniku ŭ hetyja balnicy byli špitalizavanyja 10 paciarpiełych — dva ŭ reanimacyi, 8 u adździaleńni. 11-y pasažyr paśla ahladu i rekamiendacyj adpraŭleny na ambułatorny etap lačeńnia.
Avaryja adbyłasia siońnia kala 15.00 na aŭtadarozie Babrujsk — Mazyr pablizu vioski Brožka Babrujskaha rajona. Kiroŭca maršrutnaha taksi Mercedes-Benz Sprinter, 32-hadovy mužčyna, sutyknuŭsia z traktaram MTZ, jaki ruchaŭsia napieradzie ŭ tym ža kirunku i rabiŭ pavarot naleva.
Čytajcie taksama:
U Babrujskim rajonie maršrutka ź ludźmi sutyknułasia z traktaram
U Biełarusi ŭ hetym hodzie zahinuli 42 dziciaci
Bienzavoz pad Krupkami vylacieŭ na sustrečnuju pałasu i ŭrezaŭsia ŭ dva hruzaviki
