Bienzavoz pad Krupkami vylacieŭ na sustrečnuju pałasu i ŭrezaŭsia ŭ dva hruzaviki
DTZ adbyłosia 2 červienia kala 16:40 u Krupskim rajonie na 475 km aŭtadarohi M-1 «Brest — Minsk — miaža Rasijskaj Fiederacyi», paviedamlaje UUS Minskaj vobłaści.
Fota: UUS Minskaha abłvykankama
64-hadovy kiroŭca bienzavoza Renault Premium jechaŭ u bok Minska, kali ŭ jaho łopnuła koła. U vyniku mužčyna nie spraviŭsia z kiravańniem, vyjechaŭ na sustrečniu pałasu ruchu i sutyknuŭsia z hruzavikami Fiat Ducato i Iveco Daily. Bienzavoz zalacieŭ u kiuviet.
Fota: UUS Minskaha abłvykankama
Kiroŭca bienzavoza z traŭmami špitalizavany. Z kabiny jaho dastavali ratavalniki: u mužčyny nohi byli zacisnutyja prybornaj panellu.
Skryn videa MNS
41-hadovy kiroŭca Fiat dastaŭleny ŭ balnicu dla miedycynskaha abśledavańnia, 32-hadovy kiroŭca hruzavoj mašyny Iveco nie paciarpieŭ.
Fota: UUS Minskaha abłvykankama
