Jakuju majomaść nažyli eks-bankirka Jermakova i dźvie jaje dački

Nadzieja Jermakova paśla pryznačeńnia ŭ prezidyum Usiebiełaruskaha narodnaha schodu. Fota: BiełTA

Nadziei Jermakovaj naležyć ziamielny ŭčastak płoščaj 0,14 ha, raźmieščany ŭ minskim katedžnym pasiołku Vieśninka na vulicy Siomkaŭskaj, 10. Tut pabudavany dom.

Heta pieršaja bierahavaja linija vadaschovišča Drazdy. Niepadalok — damy biznesoŭca Alaksandra Šakucina, tenisistki Viktoryi Azaranki, namieśnika staršyni Biełaruskaj fiederacyi tenisa Siarhieja Ciacieryna.

Dom Nadziei Jermakovaj na vulicy Siomkaŭskaj u Minsku. Fota: Jandeks. Karty

Ahulnaja płošča doma — krychu bolš za 226 «kvadrataŭ», žyłaja — 106,5 kv. m. Budynak byŭ uniesieny ŭ Adziny dziaržrejestr u studzieni 2015 hoda.

Heta druhi dom Jermakovaj u Minsku. Pieršy byŭ uźviedzieny ŭ zavułku Izumrudnym. Hety ŭčastak dla budaŭnictva eks-bankirki vydzielili jašče ŭ siaredzinie 2000-ch, a paśla hetuju nieruchomaść Jermakova padaryła svajoj starejšaj dačce Natalli.

Akramia taho, za eks-bankirkaj ličycca mašyna-miesca ŭ domie №119 na praśpiekcie Pieramožcaŭ (pa hetym ža adrasie znachodzicca kvatera muža starejšaj dački). A voś aŭtamabilaŭ na Jermakovu zarehistravana nie było.

Što tyčycca dočak Jermakovaj, to pa stanie na siaredzinu 2021 hoda viadoma, što starejšaja ź ich, Natalla Čepikava (proźvišča pa mužu) pracavała ŭ lizinhavaj kampanii «ASB Lizinh» — heta «dačka» «Biełarusbanka». U padarunak ad maci joj dastaŭsia dom №10 u zavułku Izumrudnym u Minsku.

Dom №10 u zavułku Izumrudnym u Minsku. Fota: Tut.by

U 2015 hodzie hety dom zdavali ŭ arendu z usioj meblaj i bytavoj technikaj, za miesiac pražyvańnia tam prasili 6000 dalaraŭ. U 2017-m arendnuju płatu źnizili da 4500 dalaraŭ.

Skrynšot z sajta kvartirant.by

Dom №10 u zavułku Izumrudnym u Minsku, zdymak 2015 hoda. Fota: realt.by

U abjavie było paznačana, što katedž dvuchuzroŭnievy, jahonaja płošča — 336 kvadratnych mietraŭ. Adzin z šaści pakojaŭ adviedzieny pad haścioŭniu z kaminam i kanapavaj zonaj.

Dom №10 u zavułku Izumrudnym u Minsku, zdymak 2015 hoda. Fota: realt.by

Na kaminie stajała ramka-dreva ź siamiejnymi fotazdymkami. Razhledzieć na ich tvary było niemahčyma. Zatoje nie vyklikaŭ sumnievaŭ partret na kamodzie, dzie vidavočna namalavanaja eks-kiraŭnica Nacbanka Nadzieja Jermakova.

Dom №10 u zavułku Izumrudnym u Minsku, zdymak 2015 hoda. Fota: realt.by

Dom №10 u zavułku Izumrudnym u Minsku, zdymak 2015 hoda. Fota: realt.by

Na 16 sotkach u haspadaroŭ doma była nievialikaja sažałka z presnaj vadoj, z darožkaj, vybrukavanaj kamieniem, zona dla barbiekiu ź piečču-kaminam i lažankaj. Pobač z zonaj dla adpačynku byŭ raźbity aharod ź zielaninaj, pasadžany fruktovy sad.

Dom №10 u zavułku Izumrudnym u Minsku, zdymak 2015 hoda. Fota: realt.by

U 2020 hodzie hetaje žyllo pa šlubnaj damovie padzialili na dźvie častki: adna naležyć Natalli, druhaja — jaje mužu Alaksieju. Taksama za Natallaj ličyłasia čatyrochpakajovaja kvatera płoščaj bolš za 93 «kvadraty», jana raźmieščanaja pobač z praśpiektam Pieramožcaŭ — u mikrarajonie Drazdy na vulicy Iljanskaj, u 25-paviarchovym karkasna-błokavym domie, jaki pabudavali ŭ 2018 hodzie.

Žyllo było nabyta ŭ 2019-m u zabudoŭščyka «Piekinska-Minskaja kampanija raźvićcia nieruchomaści «BiJuSiSi».

Dom № 2a na vulicy Iljanskaj u Minsku. Fota: realt.by

Ciapier u hetym domie vystaŭlenaje na prodaž žyllo. Naprykład, meblavanuju i abstaŭlenuju technikaj čatyrochpakajovuju kvateru płoščaj 91,2 kv. m prapanujuć za 670 033 rubli, abo 209 000 dalaraŭ. Jość taksama trochpakajoŭka płoščaj 91,7 kv. m, jaje pradajuć za 1 057 947 rubloŭ, abo 330 000 dalaraŭ.

Taksama Natalla była ŭładalnicaj troch aŭto — BMW X6 2009 hoda vypusku, Mercedes-Benz ML 350 2015-ha i Nissan Qashqai 2018-ha.

Pavodle źviestak Belpol, muž Natalli, 48-hadovy Alaksiej Čepikaŭ, akramia doma ŭ Drazdach taksama mieŭ kvateru ŭ domie №119 na praśpiekcie Pieramožcaŭ. Heta dom 2015 hoda budaŭnictva, raźmieščany z procilehłaha boku ad katedžnaha mikrarajona Drazdy. Taksama ŭ mužčyny jość dva abjekty nieruchomaści ŭ vioscy Vuhłata Asipovickaha rajona.

@nashaniva Jakuju majomaść nažyli eks-bankirka Nadzieja Jermakova i dźvie jaje dački #našaniva#biełaruśnovosti#činovniki#vziatki#biełaruś#niedvižimosť#politika♬ Funny Guy - Parry Music

Viadoma, što Alaksiej — indyvidualny pradprymalnik, jon zajmaŭsia aptovym handlem transpartam. Mabyć, u suviazi z hetym na jaho imia rehistravałasia šmat aŭtamabilaŭ, tamu jakim karystajecca mienavita jon — nieviadoma. Darečy, poŭny ciozka Čepikava ličycca vykanaŭčym dyrektaram lizinhavaj kampanii «Pramahralizinh».

U siamji małodšaj dački Jermakovaj, Julii Kucharenka (proźvišča muža), majomaści značna bolš, čym u siamji jaje starejšaj siastry. Adznačym, što Julija raniej pracavała ŭ finustanovach — Biełarusbanku i banku «Maskva-Minsk». Taksama ŭ jaje było adkryta IP (śfiera dziejnaści — fatahrafija).

A jaje muž — 36-hadovy Alaksandr Kucharenka — dyrektar firmy «Biełaje mora» (imparcior ryby i morapraduktaŭ u Biełaruś). Pa danych servisu kartoteka.by, jaje zasnavalniki — členy siamji Kucharenkaŭ. Julii naležyć 15% akcyj, Alaksandru — 34%. Astatni pakiet — za hramadzianinam Rasii Juryjem Kucharenkam (vidać, havorka pra baćku Alaksandra).

Dom №27 na praśpiekcie Pieramožcaŭ u Minsku. Fota: realt.by

Julija prapisanaja ŭ centry stalicy — u čatyrochpakajovaj kvatery ŭ 25-paviarchovym domie №27 (pabudavany ŭ 2012 hodzie) na praśpiekcie Pieramožcaŭ, heta ŽK «Słavianski kvartał». Zajmaje płošču 147,5 kv. m. Pa damovie dareńnia jaho ŭładalnikam ličyŭsia starejšy syn muža i žonki — Michaił, ciapier jamu 13 hadoŭ.

U padjeździe hetaha doma dziažurać kanśjeržy, unizie jość padziemny parkinh, zakrytaja dziciačaja placoŭka na druhim uzroŭni. U kompleksie — spa-sałon, azdaraŭlenčy centr «Dorsum», stamatałahičnaja klinika, bank, myjka mašyn, kaviarnia i apteka.

Samaja tannaja kvatera siońnia pradajecca tam za 511 020 rubloŭ, abo 159 400 dalaraŭ — heta dvuchpakajoŭka płoščaj 75 kv. m. Jość čatyrochpakajovaja kvatera za 1 506 773 rubla, abo 470 000 dalaraŭ, taksama trochpakajoŭka za 1 731 186 rubloŭ, abo 540 000 dalaraŭ, a taksama šaścipakajovaja biez azdableńnia kvatera za 2 885 310 rubloŭ, abo 900 000 dalaraŭ.

Na imia Julii byli zarehistravanyja dźvie adnapakajovyja kvatery, ich płošča — 41,5 i 41,7 «kvadrata». Žyllo raźmieščana ŭ 24-paviarchovym domie №1 na vulicy Hrybajedava, jaki byŭ pabudavany ŭ 2017 hodzie.

Ciapier tut pradajucca niekalki kvater. Tańniej za ŭsio tam možna kupić adnapakajoŭku płoščaj 49,4 kv. m — 304 561 rubiel, abo 95 000 dalaraŭ. Daražej za ŭsio prapanujuć trochpakajoŭku ŭ 85,8 kv. m — 769 416 rubloŭ, abo 240 000 dalaraŭ.

Na piarednim płanie dom №1 pa vulicy Hrybajedava ŭ Minsku. Fota: realt.by

Taksama Julii razam z dvuma inšymi ŭłaśnikami (Dźmitryj Kruhłoŭ i Alaksandr Žadziejeŭ) naležaŭ ziamielny ŭčastak dla ekspłuatacyi i absłuhoŭvańnia šmatfunkcyjanalnaha budynka na vulicy Viery Charužaj, 33a. U hetym ža budynku znachodzicca składskoje pamiaškańnie № 6 płoščaj 51,8 kv. m, jano zarehistravana na Juliju.

Budynak pa adrasie: Minsk, vuł. Viery Charužaj, 33A. Fota: Jandeks. Karty

Alaksandr Kucharenka vałodaje kvateraj u domie № 2 na vulicy Žukoŭskaha. Jašče na jaho zarehistravany ziamielny ŭčastak dla budaŭnictva i absłuhoŭvańnia žyłoha doma ŭ vioscy Dzički (heta niedaloka ad Zasłaŭskaha vadaschovišča i ŭ 20 km ad MKAD).

Taksama na mužčynu zarehistravanyja dva administracyjnyja pamiaškańni na vulicy Aeradromnaj, 125 (heta adras rehistracyi jaho kampanii), a taksama jašče adno — na vulicy Laŭkova, 30. Kucharenka taksama paznačany jak uładalnik składskoha pamiaškańnia na vulicy Hierasimienki, 55.

Z aŭtamabilaŭ u siamji byŭ BMW X5 2017 hoda vypusku, im vałodała Julija. 

Čytajcie taksama:

Nadzieja Jermakova jeździć na aŭtobusie: U śpinu nie plujuć, ale adnojčy ź Jarmošynaj pierabłytali

Jak ciapier vyhladaje byłaja staršynia Nacbanka Nadzieja Jermakova FOTA

Jakija kvatery i damy maje siamja Andrejčanki

Nieruchomaść u kazyrnych łakacyjach, aŭto mianiajuć jak palčatki. Što z majomaściu ŭ Iryny Abielskaj i jaje syna?

Stała viadoma, jakimi aŭtamabilami vałodajuć Kačanava i siemji jaje dźviuch dačok

«Adpracujcie 40 hadoŭ kiraŭnikom, i ŭ vas atrymajecca». Eks-sienatarka raskazała, jak možna zarabić na dom za $1,5 miljona

Nashaniva.com

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

48

25

14

43

82

204