Akademija navuk źbiraje pieradzamovy na dźvie knihi pa historyi biełaruskaj movy
Adździeł historyi biełaruskaj movy Instytuta movaznaŭstva imia Jakuba Kołasa NAN Biełarusi abjaviŭ pra dźvie padrychtavanyja da druku pracy i źbiraje pieradzamovy na knihi, kab uličyć intaresy čytačoŭ pry vypusku nakładu vydańniaŭ.
Fota ilustracyjnaje
1) «Historyka-etymałahičny słoŭnik inšamoŭnych słoŭ u starabiełaruskaj movie» (rukapis znachodzicca ŭ vydaviectvie «Biełaruskaja navuka»), padrychtavany hałoŭnym navukovym supracoŭnikam adździeła historyi biełaruskaj movy členam-karespandentam NAN Biełarusi Alaksandram Bułykam.
U hetaj leksikahrafičnaj pracy razhladajucca zapazyčańni starabiełaruskaj movy, pakazany čas ich pieršaj piśmovaj fiksacyi, značeńnie, užyvańnie ŭ pomnikach piśmiennaści, arfahrafičnyja varyjanty, etymałohija, deryvacyjny patencyjał, dla paraŭnańnia padadzieny ich adpaviedniki ŭ susiednich słavianskich movach.
2) Pieravydańnie viadomaj manahrafii «Historyja biełaruskaj litaraturnaj movy» člena-karespandenta NAN Biełarusi Arkadzia Žuraŭskaha z nahody 100-hodździa z dnia naradžeńnia navukoŭca.
U knizie aśviatlajecca stanaŭleńnie i raźvićcio biełaruskaj litaraturna-piśmovaj movy epochi biełaruskaj narodnaści, jaje rola i funkcyi ŭ hramadska-palityčnym i kulturnym žyćci našych prodkaŭ. Asobna aśviatlajecca movatvorčaja dziejnaść Francyska Skaryny, Symona Budnaha, Vasila Ciapinskaha. Źmieščanyja nazirańni i vyvady hruntujucca na niepasrednym vyvučeńni aŭtaram aryhinałaŭ rukapisnych i drukavanych pomnikaŭ starabiełaruskaj piśmiennaści.
Supracoŭniki Instytuta movaznaŭstva prosiać usich, chto žadaje nabyć hetyja knihi paśla ich apublikavańnia, napisać na adras [email protected] da 10 červienia.
Čytajcie taksama:
Jak žonka Łukašenki ŭ 1995-m hałasavała suprać ruskaj movy
Ci nie ŭzarvie moŭnaje pytańnie postłukašenkaŭskuju Biełaruś?
