La polskaj ściany na miažy ź Biełaruśsiu vierniki praviali malitvu FOTAFAKT
Na miažy Polščy i Biełarusi 30 maja adbyłosia nabaženstva padčas pracesii śviata Božaha Cieła. Malitvu praviali la ałtara pobač ź mietaličnaj ścianoj, jakaja padzialaje dźvie krainy, jakuju ŭstanaviła Polšča praz «mihrancki kryzis», piša katolik.life.
Fota: Jaceka Złomy
Nabaženstva prachodziła ŭ vioscy Minkaŭcy ŭ Sakolskim paviecie Padlaskaha vajavodstva. Raniej vioska była ŭ Hrodzienskim rajonie BSSR. U 1946 hodzie ŭ suviazi z karekciroŭkaj dziaržaŭnaj miažy pamiž SSSR i PNR vioska była pieradadziena Polščy.
Jak rastłumačyŭ fiermier Jacak Złoma, da taho času vierniki ź Mińkaŭcoŭ naležali da prychodu ŭ vioscy Adelsk, što zastałasia ŭ Hrodzienskim rajonie. U vyniku ŭ Mińkaŭcach pabudavali svoj chram, adnak mnohija siemji zastalisia padzielenymi miažoj.
Fota: katolik.life
U toj ža dzień pracesiju Božaha Cieła ŭ Varšavie praviali biełaruskija kataliki ŭ emihracyi razam z polskimi viernikami. Napieradzie pracesii nieśli kopiju abraza Maci Božaj Budsłaŭskaj, padčas nabaženstva hučali malitvy i śpievy pa-biełarusku, ksiondz Viačasłaŭ Barok čytaŭ Jevanhielle na rodnaj movie.
Čytajcie taksama:
Niekalki dziasiatkaŭ mihrantaŭ šturmavali ŭčora biełaruska-polskuju miažu VIDEA
Jašče dva polskija sałdaty atrymali ranieńni na miažy ź Biełaruśsiu
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)