Karol Šviecyi paśviaciŭ u rycary muzykaŭ słavutaha pop-hurta AVVA
Sioleta spoŭniłasia 50 hadoŭ samaj znakamitaj šviedskaj hrupie.
Karol Šviecyi Karł XVI Hustaŭ i karaleva Silvija prysvoili rycarskija zvańni ŭdzielnikam pop-hrupy AVVA — adnaho z samych znakamitych šviedskich muzyčnych kalektyvaŭ u historyi. Cyrymonija prajšła ŭ piatnicu ŭ karaleŭskim pałacy ŭ Stakholmie, piša Rasijskaja słužba Radyjo Svaboda.
Muzykaŭ paśviacili ŭ rycary ŭ znak pryznańnia ich zasłuh na šviedskaj i mižnarodnaj muzyčnaj scenie.
Usie čaćviora ŭdzielnikaŭ hrupy — Bieni Andersan, Ahnieta Fieltskah, Ani-Fryd Linhstad i Bjorn Ulvieus, — byli ŭznaharodžany najvyšejšaj hramadzianskaj uznaharodaj Šviecyi, ordenam Vazy. Heta pieršy vypadak uručeńnia takoha vysokaha ordena za apošnija amal 50 hod.
Praktyka ŭznaharodžańnia šviedskich hramadzian karaleŭskimi ordenami była spyniena parłamientam u 1974 hodzie, kab nie stvarać niaroŭnaść siarod hramadzian. Paśla hetaha Šviecyja ŭručała ordeny tolki zamiežnikam.
Adnak u 2022 hodzie parłamient pierahledzieŭ uznaharodnuju sistemu i viarnuŭ šviedam mahčymaść atrymlivać karaleŭskija ŭznaharody.
U 2024 hodzie ordenami byli ŭznaharodžany muzykanty AVVA, a taksama łaŭreaty Nobieleŭskaj premii pa fizijałohii i miedycynie Svante Paaba i pa fizicy An ŁJUilje i jašče niekalki hramadskich dziejačaŭ. Rašeńnie ab uznaharodžańni było pryniata ŭ sakaviku, ale ŭračystaja cyrymonija adbyłasia 31 traŭnia.
ABBA — adzin z samych papularnych muzyčnych hurtoŭ u historyi pop-muzyki. Paśla pieramohi na Jeŭrabačańni ŭ 1974 hodzie hurt da pačatku 1980-ch uznačalvaŭ suśvietnyja chit-parady, vypuściŭ 8 albomaŭ, z ahulnym prodažam bolš za 380 miljonaŭ asobnikaŭ. Hurt raspaŭsia ŭ 1982 hodzie, ale ŭźjadnaŭsia dla zapisu alboma Voyage, jaki vyjšaŭ u 2021 hodzie.
Čytajcie taksama:
Tejłar Śvift upieršyniu trapiła ŭ śpis miljarderaŭ Forbes
Fanaty nie znajšli niekalkich trekaŭ na kružełkach z novym albomam Biejonsie
Udzielniki hurta «Bi-2» i členy ich siemjaŭ atrymali hramadzianstva Małdovy
