Tejłar Śvift upieršyniu trapiła ŭ śpis miljarderaŭ Forbes
Razam ź joj u śpis trapiŭ stvaralnik čat-bota ChatGPT Sem Altman.
Tejłar Śvift na suśvietnaj premjery filma Taylor Swift: The Eras Tour. Fota: Chris Pizzello / AP
Amierykanskaja śpiavačka Tejłar Śvift upieršyniu ŭvajšła ŭ rejtynh miljarderaŭ, składzieny časopisam Forbes. Śvift zarabiła ahułam 1,1 młrd dalaraŭ, Altman — $1 młrd, piša Bi-bi-si.
Pieršaje miesca ŭ śpisie z $233 młrd znoŭ zaniaŭ francuzski biznesoviec Biernar Arno, jakomu razam ź siamjoj naležyć chołdynh LVMH (Louis Vuitton Moët Hennessy), jaki abjadnoŭvaje vytvorcaŭ pradmietaŭ raskošy.
Druhoje miesca zaniaŭ zasnavalnik Tesla, Space X i ŭładalnik sacsietki X Iłan Mask ($195 młrd), treciaje — zasnavalnik Amazon Džef Biezas ($194 młrd).
Na čaćviortym miescy raźmiaściŭsia kiraŭnik karparacyi Meta Mark Cukierbierh ($177 młrd), jaki maje $116 młrd za košt rostu akcyj kampanii. Piaciorku zamykaje adzin z zasnavalnikaŭ Oracle Łary Elisan ($141 młrd).
Pavodle źviestak Forbes, u 2024 hodzie kolkaść miljarderaŭ u śviecie dasiahnie rekordnaj ličby — 2 781.
Heta na 141 bolš, čym letaś, i na 26 bolš, čym u 2021 hodzie, kali byŭ ustalavany papiaredni rekord.
Forbes adznačaje, što suśvietnaja elita bahataja jak nikoli — u jaje ahułam $14,2 trłn.
Sa śpisu pa vynikach minułaha hoda vybyli 189 čałaviek, u tym liku 129 — z Kitaja.
Akramia taho, pamierli jašče 32 miljardery, u tym liku jehipiecki biznesoviec Machamied al-Fajed, były premjer-ministr Italii Silvia Bierłuskoni, eks-prezident Čyli Siebaśćian Pińjera i śpiavak Džymi Bafiet.
Čytajcie taksama:
Śpiavačka Tejłar Śvift stavić pad pahrozu pieramohu Trampa
Time nazvaŭ čałavieka hoda. Vybar dosyć niečakany (abo čakany)
Fanaty nie znajšli niekalkich trekaŭ na kružełkach z novym albomam Biejonsie
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)