Łaŭroŭ: Pieradača Kijevu F-16 budzie sihnałam u jadziernaj śfiery
Razam z tym ministr zamiežnych spraŭ Rasii ličyć, što pastaŭki amierykanskich źniščalnikaŭ ukrainskaj armii, jak i inšaj vajennaj techniki, ničoha nie źmieniać na froncie.
Źniščalniki F16. Fota: Tsafrir Abayov / AP
Pieradača Ukrainie samalotaŭ F-16 budzie razhladacca, jak naŭmysny sihnał u jadziernaj śfiery, zajaviŭ u intervju RIA Naviny kiraŭnik MZS RF Siarhiej Łaŭroŭ.
Pavodle jaho słoŭ, hetyja Amierykanskija bajavyja samaloty peŭny pieryjad času byli asnoŭnym srodkam dastaŭki ŭ sumiesnych jadziernych misijach Paŭnočnaatłantyčnaha aljansu.
«Tamu nie možam nie razhladać pastaŭku hetych sistem kijeŭskamu režymu jak naŭmysnaje sihnalnaje dziejańnie NATO ŭ jadziernaj śfiery», — rastłumačyŭ rasiejski ministr.
Pry hetym Łaŭroŭ adznačyŭ, što takimi dziejańniami Złučanyja Štaty i krainy aljansu sprabujuć dać zrazumieć, što va Ukrainie jany hatovyja na ŭsio.
Paśla čaho dadaŭ, što pastaŭki amierykanskich źniščalnikaŭ ukrainskaj armii, jak i inšaj vajennaj techniki, ničoha nie źmieniać na froncie.
«Hetyja samaloty buduć źniščacca, jak i inšyja vidy ŭzbrajeńniaŭ, jakija pastaŭlajucca krainami NATO va Ukrainu», — zapeŭniŭ kiraŭnik MZS RF.
Čytajcie taksama:
Pieršyja ŭkrainskija piłoty zaviaršyli navučańnie pracy na źniščalnikach F-16 u ZŠA
Šviecyja pieradaść Ukrainie dva samaloty radyjołakacyjnaj raźviedki ASC 890. Što heta za samaloty?
Bolšaja častka dapamohi ad ZŠA pastupić va Ukrainu tolki letam
