Pucin moža mabilizavać na vajnu Uzbrojenyja siły Biełarusi — Frydman
Palityčny analityk raspavioŭ pra dylemu, jakaja staić siońnia pierad Pucinym. Čym jana pahražaje biełarusam?
Biełaruskija sałdaty. Fota: Ministerstva abarony Biełarusi
Svaim bačańniem situacyi jon padzialiŭsia ź niamiecki vydańniem Frankfurter Allgemeine Zeitung, pieradaje vydańnie UDF.name.
«U rasparadžeńnie Frankfurter Allgemeine Zeitung patrapili analityčnyja acenki ekśpiertaŭ «zachodnich śpiecsłužbaŭ», jakija pradrakajuć Ukrainie ŭ 2024 hodzie dalejšuju stratu terytoryj. Padkreślivajecca, što USU taktyčna adstupajuć, zachoŭvajučy žyćci vajskoŭcaŭ. Rasija takim čynam budzie prasoŭvacca ŭsio hłybiej i hłybiej, ale praryŭ frontu i surjoznyja stratehičnyja pośpiechi nie čakajucca.
Hetyja acenki supadajuć ź infarmacyjaj z «rasijskich krynic», jakija dniami apublikavali Financial Times i Reuters.
Ź ich vynikaje, što pierad Pucinym staić dylema: z tymi siłami, jakija ŭ jaho jość na hety momant, jon moža pavolna prasoŭvacca va Ukrainie, ale nie dasiahnie svaich kančatkovych metaŭ. Dla hetaha nieabchodnaja mabilizacyja, jakuju Financial Times čakaje da kanca 2024 hoda i jakaja moža abiarnucca dadatkovymi turbulencyjami, jakich rasijskija ŭłady, pavodle infarmacyi Reuters, chacieli b chutčej paźbiehnuć.
Udały momant dla mabilizacyi rasijskija ŭłady ŭžo vypuścili: heta doŭhija miesiacy, kali va Ukrainu nie pastupała amierykanskaja vajskovaja dapamoha. Ale tady ŭ Pucina na paradku dnia byli «vybary» i budaražyć nasielnictva mabilizacyjaj było nie z ruki.
Kali Kreml i pojdzie ŭ vyniku na mabilizacyju, to dziejničać budzie napeŭna vielmi aściarožna. I ŭ hetym vypadku adnym z resursaŭ, jaki padpadzie pad «mabilizacyju», całkam mohuć stać Uzbrojenyja siły Biełarusi», — miarkuje palityčny analityk.
Čytajcie taksama:
Piaskoŭ zajaviŭ, što ŭ Rasii «niama patreby ŭ mabilizacyi»
Rasija moža płanavać maštabny nastup u čatyroch abłaściach
Hrecyja i Polšča zaklikali stvaryć «Žalezny kupał» nad Jeŭropaj
