Minadukacyi kateharyčna zabaraniła vypusknyja ŭ kaviarniach i restaranach
Pravodzić śviatočnyja viečary dazvolili tolki ŭ škołach i damach kultury.
Fota: AP Photo Sergei Grits
Ministerstva adukacyi Biełarusi vypuściła zahad, jaki zabaraniaje praviadzieńnie vypusknych viečaroŭ u kaviarniach i restaranach. Pra heta raskazała pradstaŭnica viedamstva, kansultantka Hałoŭnaha ŭpraŭleńnia vychavaŭčaj raboty i maładziožnaj palityki Minadukacyi Taćciana Asmałoŭskaja.
Pavodle słoŭ čynoŭnicy, viedamstva rehłamientavała arhanizacyju vypusknych viečaroŭ. Pravodzić vypusknyja možna ŭ pamiaškańniach ustanoŭ adukacyi. U vyklučnych vypadkach — u damach kultury ci pałacach dziaciej i moładzi, piša BiełTA.
«Rehularna pastupajuć pytańni i ad baćkoŭ, i ad vypusknikoŭ ab tym, ci možna pravodzić vypusknyja viečary ŭ restaranach, kaviarniach, zabaŭlalnych centrach i inšych abjektach. Adnaznačna — nie. Hetaja pazicyja vyznačanaja ŭ zahadzie Ministerstva adukacyi», — adznačyła Asmałoŭskaja.
Čynoŭnica adznačyła, što łakacyja praviadzieńnia vypusknoha pavinna być na kantroli milicyi i adździełaŭ adukacyi.
Sioleta vypusknikami 11-ch kłasaŭ stanuć bolš za 55 tys. čałaviek, 9-ja kłasy skančajuć bolš za 108 tys. Apošnija zvanki ŭ škołach Biełarusi prahučać 25 maja, vypusknyja projduć 14 červienia.
Alaksandr Łukašenka raniej aburyŭsia raskošaj biełaruskich vypusknych. Paśla jaho vykazvańnia ŭ Minsku zabaranili vykarystoŭvać na vypusknych viečarach limuziny i zaprašać dydžejaŭ.
Čytajcie taksama:
Školnikaŭ prymusili na dyktoŭcy da Dnia pieramohi pisać cytaty Łukašenki
