Na amierykanskim stryminhu Amazon Prime vyjšaŭ chorar pra biełaruskuju palitemihrantku ŭ ZŠA
Film «Cišynia zdabyčy» źniaty madellu Karynaj Kudzinaj z Homiela, piša telehram-kanał «Śviaščenny Biełavud».
Kadr ź filma «Cišynia zdabyčy» / Studio Dome the Horror Collective
Film «Cišynia zdabyčy» — sumiesny prajekt debiutantki Karyny Kudzinaj i Majkła Vajnbierha.
Karyna, jak i jaje siastra Karalina, rodam z Homiela. Ciapier dziaŭčyna žyvie ŭ ZŠA, u Ńju-Jorku, pracuje madellu i sprabuje svaje siły ŭ kino ŭ jakaści aktrysy, scenarystki i pradziusarki. U debiutnuju kinastužku dziaŭčyna pieraniesła svoj emihrancki dośvied.
Kadr ź filma «Cišynia zdabyčy» / Studio Dome the Horror Collective
U adčajnaj sprobie zabiaśpiečyć budučyniu svajho dziciaci maci-imihrantka ź Biełarusi, jakaja nie maje dakumientaŭ, uładkoŭvajecca na pracu niańkaj da pažyłoha amierykanca. Ale ŭ mužčyny jość žudasnaja tajamnica…
Film zdymaŭsia za nievialikija hrošy łejbłam Studio Dome the Horror Collective i atrymaŭ supiarečlivuju krytyku. Presa, naprykład, piša, što film pa źmieście atrymaŭsia sučasnym, ale źniaty prosta žudasna.
Kadr ź filma «Cišynia zdabyčy» / Studio Dome the Horror Collective
Zatoje ŭ im jość žarty pra toje, što Biełaruś — heta horad va Ukrainie.
Čytajcie taksama:
«Biełaruśfilm» choča źniać svajo «Słova pacana»
«Ja šakavanaja i złaja». Skarlet Jochansan abvinavaciła OpenAI u kradziažy svajho hołasu
