U Biełarusi projduć jašče adny vučeńni terabarony
Zbor vajennaabaviazanych terytaryjalnaj abarony projdzie z 16 maja pa 7 červienia ŭ Rečyckim rajonie. Treniravacca buduć try tydni.
Ilustracyjnaje fota: Minabarony
U chodzie zboru płanujuć adpracavać pryjom vajennaabaviazanych terabarony i ich usiebakovaje zabieśpiačeńnie, adnavić navyki kamandnaha składu ŭ kiravańni padnačalenymi, padrychtavać vajennaabaviazanych da vykanańnia zadač u adpaviednaści z vajskova-ŭlikovymi śpiecyjalnaściami i słužbovym pryznačeńniem, paviedamlaje Minabarony.
Taksama płanujuć adpracavać pytańni farmiravańnia, padrychtoŭki i prymianieńnia atrada narodnaha apałčeńnia.
Jak zajaŭlajecca, zbor daść mahčymaść pavysić navyki słužbovych asob vykanaŭčych kamitetaŭ u pytańniach farmiravańnia terytaryjalnych vojskaŭ, a vajennaabaviazanych — u vykanańni zadač pa pryznačeńni.
Čytajcie taksama:
U Mahiloŭskaj vobłaści pačaŭsia navučalny zbor z terabaronaj. Jon budzie doŭžycca da kanca miesiaca
Bresckaja vobłaść aktyŭna zakuplaje broniekamizelki — vydatkavali bolš za 2 miljony rubloŭ
