Bresckaja vobłaść aktyŭna zakuplaje broniekamizelki — vydatkavali bolš za 2 miljony rubloŭ
Kuplajuć jak abłasny centr, tak i rajony.
Ilustracyjnaje fota: «SB»
Vykankamy Bresckaha rehijona sa śniežnia 2023 hoda zakupili 1266 broniekamizelek na ahulnuju sumu bolš čym u 2 miljony rubloŭ. Zakupkami achoŭnaha abmundziravańnia zajmalisia Brescki i Baranavicki harvykankamy, a taksama Hancavicki i Kobrynski rajvykankamy, paviedamlaje BGMedia.
Broniekamizelka pavinna adpaviadać patrabavańniam zakanadaŭstva, jaje termin słužby pavinien składać nie mienš za dziesiać hadoŭ. Elemienty kanstrukcyi broniekamizelki pavinny praduhledžvać mahčymaść raźmiaščeńnia na źniešnich čachłach ryštunku pa sistemie MOLLE — jana vykarystoŭvajecca ŭ vojskach krain NATA.
Broniekamizelka pavinna być zručnaja dla roznych scenaryjaŭ — pahruzki ŭ techniku, viadzieńnia stralby, kiravańnia aŭtamabilem i inšych.
Były kadravy aficer biełaruskaj armii, eks-načalnik štaba bataljona «Vołat» Vasil Vieramiejčyk ličyć, što broniekamizelki zakuplajuć dla vojskaŭ terytaryjalnaj abarony. Pra heta śviedčyć toje, što zakupki pravodziać vykankamy, a nie Ministerstva abarony.
Čytajcie taksama:
Adrazu ŭ čatyroch rajonach projduć vučeńni terytaryjalnaj abarony, u tym liku na miažy ź Litvoj
U Vaŭkavyskim rajonie sfarmavali atrady narodnaha apałčeńnia
Apublikavany prajekt zakona pra narodnaje apałčeńnie. Raskazvajem, što ŭ im
