Častcy Biełarusi pahražaje zamarazak da minus 10
Biełarusy paśla zimy ŭžo amal pryzvyčailisia da ciapła, ale rassłablacca pakul zusim nie varta. Prosta ciapier u Biełarusi navalnicy i hrad, a chutka častcy krainy pahražaje zamarazak, pieradaje telehram-kanał @nadvorie.
Fota: @nadvorie
Samy dramatyčny prahnoz na zamarazki pasiaredzinie tydnia ciapier daje madel ICON. U noč na čaćvier bolš čym na pałovie terytoryi krainy budzie ad 0°C i ažno da -10°C. Heta prahnoz na vyšyni hleby 5 sm, na vyšyni 2 m budzie ciaplej.
Małajmavierna, kab tempieratura apuściłasia nastolki nizka. Chutčej za ŭsio, budzie minus 2—4. Ale i hetaha chopić, kab zamierzła bulba.
Zamarazki mahčymyja niekalki dzion zapar: taksama ŭ papiaredniuju noč na sieradu i ŭ nastupnyja vychadnyja.
Choład z aŭtorka źviazany z čarhovym uvarvańniem arktyčnych pavietranych mas, a dakładna ŭ čaćvier z prachodam antycykłona H (1030) praź Biełaruś, ź vierahodnaściu jasnaha nieba i štylu.
Pakul ža ŭ tematyčnych telehram-kanałach biełarusy dzielacca fota i videa navalnicy z hradam, jakija iduć z zachadu.
Čytajcie taksama:
Sinoptyki anansavali čarhovaje pachaładańnie. A ŭ paniadziełak čakajucca składanyja ŭmovy nadvorja
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)