U Vilni prapanujuć stvaryć skvier pamiaci achviar režymu Łukašenki
Vilenskaja arhanizacyja Sacyjał-demakratyčnaj partyi Litvy prapanuje stvaryć u horadzie skvier pamiaci achviar režymu Alaksandra Łukašenki, paviedamlaje «Pozirk» na padstavie materyjałaŭ litoŭskaj presy.
Fota ilustracyjnaje
Na dumku kiraŭnika frakcyi ŭ Vilenskaj radzie Poviłasa Pinialisa, «ludzi stali źbiracca kala ambasady Biełarusi padčas śviatkavańnia važnych dat dla biełaruskaj apazicyi abo čarhovaha napadu režymu Łukašenki na apazicyju». Jon miarkuje, što heta «vielmi dobraje simvaličnaje miesca», jakoje dazvalaje emihrantam vykazać svaju pazicyju i «nahadać pra siabie režymu», adnak «prablema ŭ tym, što heta miesca nijak nie lehalizavanaje i z farmalnaha punktu hledžańnia».
«Ludziam davodzicca addavać daninu pavahi apazicyjanieram, jakija prajavili i prajaŭlajuć vielizarnuju mužnaść, prosta na tratuary», — kanstatavaŭ Pinialis. Na dumku členaŭ jahonaj frakcyi, biełarusy «zasłuhoŭvajuć bolšaha».
Skvier pamiaci achviar režymu Łukašenki sacyjał-demakraty prapanujuć stvaryć u centralnaj častcy Vilni. Hetaje miesca, na ich dumku, možna było b nazvać «Biełaruskaja daroha da svabody». Na płoščy moža źjavicca znak, jaki nahadvaje pra ludziej, paciarpiełych abo zahinułych ad dziejańniaŭ režymu ŭ Biełarusi.
Staršynia kamisii sacyjał-demakratyčnych nacyjanalnych supołak Natalla Jarcava zajaviła, što mnohija pradstaŭniki biełaruskaj apazicyi, palityčnych i niaŭradavych arhanizacyj «atrymali prytułak i dapamohu ŭ Vilni».
«Dla hetaj vialikaj hramady było b vielmi važna mieć lehalizavanaje miesca ŭ stalicy, što nadało b sens ich niaprostaj, ale vielmi nieabchodnaj baraćbie za svabodu ŭ Biełarusi», — skazała Jarcava.
Čytajcie taksama:
Litva pradoŭžyła sankcyi suprać hramadzian Biełarusi. Jość taksama novyja vizavyja abmiežavańni
Tranzit zbožža ź Biełarusi i Rasii praź Litvu rezka pavialičyŭsia
