U lehiendarnaha «Mulen Ruž» u Paryžy advalilisia nie mienš lehiendarnyja kryły VIDEA
Młyn «Mulen Ruž» — adna z samych viadomych słavutaściaŭ Paryža, atrymaŭ paškodžańni ad pažaru ŭ noč na čaćvier, 25 krasavika. Jak paviedamlaje ahienctva AFP, jaho kryły abrynulisia.
Les joies d'aller bosser à 3h : se retrouver nez à nez avec l'hélice du moulin rouge tombée par terre pic.twitter.com/Xi9zI0TJHu
Padčas incydentu nichto nie paciarpieŭ, zajavili pažarnyja słužby. Što mienavita stała pryčynaj pažaru, pakul nie paviedamlałasia. Na fota i videa, jakija publikujuć u siecivie, vidać kryły młyna, jakija lažać na tratuary pierad teatram-varjete. Niekatoryja ź ich pahnulisia.
Tak «Mulen Ruž» (Čyrvony młyn) vyhladaŭ da zdareńnia. Photo by Athanasios Gioumpasis/Getty Images
Teatr-varjete, raźmieščany ŭ ścienach młyna «Mulen Ruž», pačaŭ pracu ŭ 1889 hodzie — tady ž, kali ŭ francuzskaj stalicy było skončana ŭźviadzieńnie Ejfielevaj viežy. U «Mulen Ruž « źbirałasia ŭsia paryžskaja bahiema. U roznyja hady tam vystupali takija artystki, tancorki i śpiavački, jak Ivieta Hilbier, Žanna Aŭryl i Łuiza Vebier, viadomaja pad mianuškaj Ła Hulu. Ličycca, što mienavita dziakujučy vystupam artystaŭ u «Mulen Ruž» suśvietnuju viadomaść atrymaŭ taniec kankan, piša Deutsche Welle.
Čytajcie taksama:
Dziciačuju placoŭku «Łukamorje» ŭ minskim Parku Horkaha tatalna abnavili
«Žury chacieła niejkaj dramy». ŁHBT-aktyvist ź Biełarusi vystupiŭ na papularnym polskim šou
