U Fanipali mužčyna pajšoŭ na prahułku ź piacihadovym synam, a viarnuŭsia adzin
Prapažu chłopčyka pieršymi zaŭvažyli babula i dziadula i zabili tryvohu.
Ilustracyjnaje fota «Naša Niva»
34-hadovy mužčyna pajšoŭ razam z maleńkim synam na prahułku, ale dadomu viarnuŭsia adzin.
Prapažu chłopčyka pieršymi zaŭvažyli babula i dziadula. Ale mužčyna byŭ nastolki pjany, što tołkam ničoha raskazać nie zmoh.
Nie atrymaŭšy vyraznych adkazaŭ na svaje pytańni, svajaki adpravilisia šukać unuka. Samastojna znajści nie ŭdałosia — daviałosia vyklikać milicyjantaŭ. Jany i znajšli chłopčyka ŭ adnaho z tavaryšaŭ baćki.
Jak akazałasia, na prahułcy baćka dziciaci ŭbačyŭ znajomaha i vyrašyŭ sustreču dobra adznačyć. Adnak nie raźličyŭ siły, z ałkaholem pierabraŭ i, nie daŭšy rady z saboj, zasnuŭ na łavačcy pobač z domam.
Syn nie zmoh pabudzić baćku i ŭ vyniku pajšoŭ u hości da jaho tavaryša. Tam jaho i znajšli milicyjanty.
Čytajcie taksama:
Pjany 24-hadovy biełarus bujaniŭ u noč na niadzielu na vakzale niamieckaj Hiery
