Padletki zładzili bitvu na Niamizie. Dvaich pastfaktum zatrymała milicyja
Padletki pasvarylisia ŭ internecie, a paśla pierajšli ŭ afłajn i ŭčynili masavuju bojku ŭ centry Minska.
Skrynšot videa: Milicyja Minska
Videa bojki pad mostam na Niamizie vidavočcy apublikavali ŭ internecie. Na roliku vidać, jak niekalki čałaviek źbivajuć lažačaha na tratuary. Zatym da bojki dałučajucca inšyja padletki. Usiaho ŭ «strełcy» ŭdzielničali bolš za dziesiać čałaviek.
U staličnaj milicyi zajavili, što ŭstanavili ŭsich udzielnikaŭ bojki. Dvaich ź ich — minčukoŭ 17 i 18 hadoŭ — zatrymali i dastavili ŭ Centralny RUUS.
Pavodle infarmacyi siłavikoŭ, dva padletki pasvarylisia ŭ internecie, a zatym vyrašyli sustrecca ŭ centry horada i vyśvietlić adnosiny.
Inicyjatar bojki — 17-hadovy školnik — atrymaŭ administracyjnuju spravu za drobnaje chulihanstva.
Čytajcie taksama:
Dva vaśmikłaśniki vyrašyli pazabaŭlacca — zaraz ich čakaje sud za złosnaje chulihanstva
Školnikaŭ z Barysava zvazili na ekskursiju na Akreścina. I heta nie žart
U Breście dla školnikaŭ zładzili telemost ź niepryznanym Prydniastroŭjem