U Rasii ŭpieršyniu aficyjna zajavili pra namier zachapić Charkaŭ
Instytut vyvučeńnia vajny (ISW) praanalizavaŭ słovy kiraŭnika rasijskaha MZS Siarhieja Łaŭrova ŭ čas jahonaha intervju prapahandystam.
Siarhiej Łaŭroŭ u čas intervju rasijskim prapahandystam. Fota: RIA Novosti
Analityki adznačajuć, što zajava Łaŭrova pra mahčymaść akupacyi Charkava stała pieršaj siarod rasijskich vyšejšych słužbovych asobaŭ. U čas intervju rasijskim prapahandystam jon nazvaŭ Charkaŭ «mahčymaj apieratyŭnaj metaj Rasii».
Siarhiej Łaŭroŭ ukazaŭ, što Charkaŭ adyhryvaje klučavuju rolu ŭ kancepcyi prezidenta Rasii ab stvareńni demilitaryzavanaj «sanitarnaj zony» va Ukrainie, jakaja pavinna abaraniać rasijskija pamiežnyja nasielenyja punkty ad udaraŭ ukrainskich sił.
Jon taksama nahadaŭ, što Pucin vielmi vyrazna vykazaŭ svajo mierkavańnie pra nieabchodnaść prasoŭvańnia rasijskich vojskaŭ daloka va Ukrainu, kab vyvieści rasijskija pasieliščy za miežy zony ŭkrainskich udaraŭ.
«Heta patrabavańnie źjaŭlajecca vielmi nievyraznym, i moža raspaŭsiudžvacca navat i na ŭsiu terytoryju Ukrainy. Bo pakul isnuje niezaležnaja ŭkrainskaja dziaržava, jana budzie chacieć siabie abaraniać», — adznačajuć u ISW.
Analityki adznačajuć, što zajavy Łaŭrova paćviardžajuć namiery Kramla vykarystoŭvać kancepcyju pastajannaj źmieny demilitaryzavanaj «sanitarnaj zony» dla abhruntavańnia rasijskich nastupalnych apieracyj na terytoryi Ukrainy.
Čytajcie taksama:
Łukašenka paŭdzielničaŭ u pasiadžeńni Rady biaśpieki Rasii
Pasły krain ES admovilisia ad sustrečy z Łaŭrovym pierad vybarami prezidenta Rasii
