U ZŠA adbyŭsia pieršy ŭ historyi pavietrany navučalny boj pamiž čałaviekam i štučnym intelektam
I piłot, i štučny intelekt (ŠI) znachodzilisia ŭ pavietry ŭ abstanoŭcy, nabližanaj da bajavoj, i abodva kiravali źniščalnikami F-16. Padrabiaznaści raskryŭ Pientahon.
Ekśpierymientalny źniščalnik na bazie madyfikavanaha F-16D pad nazvaj VISTA (Variable In-flight Simulator, ci adaptyŭny lotny trenažor), na jakim ustalavany štučny intelekt, zdolny kiravać pryładaj bieź piłotaŭ. Fota: pres-słužba vajskovaj avijabazy «Edvards», Kalifornija
Upraŭleńnie pierśpiektyŭnych daśledčych prajektaŭ pry Pientahonie (DAPRA) paviedamiła ab praviadzieńni pieršaha ŭ historyi naturnaha navučalnaha boju pamiž piłotami VPS ZŠA i śpiecyjalnym štučnym intelektam. Boj adbyŭsia jašče vosieńniu minułaha hoda.
Vyprabavańnie pravodziłasia na ekśpierymientalnych źniščalnikach VISTA (Variable In-flight Simulator, ci adaptyŭny lotny trenažor), stvoranych na bazie madyfikavanych F-16D. Adna z hałoŭnych pieravah źniščalnika VISTA — poŭnaja sumiaščalnaść z ŠI, jaki moža kiravać pryładaj samastojna.
«U ramkach sakretnaj prahramy Air Combat Evolution (evalucyja pavietranaha boju), dva piłoty na adnym z F-16 u amal bajavym stanoviščy supraćstajali štučnamu intelektu, jaki pavodziŭ siabie hetak ža biezdakorna, jak i ŭ zvyčajnych simulacyjach da hetaha.
Abodva samaloty prademanstravali vysokuju aktyŭnaść u viadzieńni boju, zbližalisia na adlehłaść da 600 mietraŭ na chutkaści bolš za 1900 kiłamietraŭ u hadzinu», — daŭ spravazdaču Pientahon.
U viedamstvie nie raskryli, chto pieramoh u vučebnaj schvatcy, ale dadali, što ŭ samalocie z ŠI padčas vyprabavańnia znachodziŭsia druhi piłot na vypadak niepradbačanych situacyj, adnak jon ni razu nie ŭmiašaŭsia ŭ praces boju.
Čytajcie taksama:
ZŠA ŭpieršyniu vykarystali «zbroju budučyni» pry adbićci ataki na Izrail. Voś što pra jaje viadoma
Ministr abarony Brytanii nie vyklučaje pieradačy Kijevu łaziernaj zbroi
Navukoŭcy pieratvaryli žyvych prusakoŭ u hrupu mini-kibarhaŭ