Sioleta centralizavany ekzamien pa kitajskaj movie ŭ Minsku budzie zdavać tolki adzin čałaviek
11 kłas u stalicy zakančvajuć bolš za 12 tysiač dziaciej. Adna z asablivaściaŭ hetaha hoda — niekalki inšyja terminy zdačy CE.
Ilustracyjnaje fota učiśučiś.rf
Navučalny hod dla vypusknikoŭ 11-ch kłasaŭ zakančvajecca 25 maja. I ŭžo 27-ha ich čakaje pieršaje vyprabavańnie — centralizavany ekzamien pa pradmiecie pa vybary, 30-ha — pa ruskaj abo biełaruskaj movie, pišuć Minsk-naviny.
— Usiaho dla ŭdziełu ŭ CE zarehistravałasia bolš za 12 380 minskich navučencaŭ. Ź ich ruskuju movu napišuć 10 800 čałaviek, astatnija spynilisia na biełaruskaj.
U jakaści druhoha pradmieta na centralizavanym ekzamienie vybrali matematyku 4 775 chłopčykaŭ i dziaŭčynak, hramadaznaŭstva — 1 800, bijałohiju — 1 600. Mienš za ŭsio achvotnych napisać kitajskuju movu — 1 čałaviek.
Źviestak pa Minsku ŭ minułym hodzie niama, ale ŭ 2023 hodzie pa krainie kitajskuju movu zdavali 22 školniki, pryčym dvoje nabrali pa 100 bałaŭ.
Ale dla pastupleńnia ŭ VNU mnohim abituryjentam spatrebiacca jašče i siertyfikaty CT. Hetyja vyprabavańni projduć 3 i 6 červienia.
Čytajcie taksama:
