U Breście jašče dvuch čałaviek buduć sudzić pa «karahodnaj spravie»
23 krasavika a 10:00 sud Bieraściejskaha rajona budzie razhladać kryminalnuju spravu suprać dvaich bieraściejcaŭ. Abvinavačvajucca Turubčuk Ksienija Iharaŭna i Mirašničenka Dźmitryj Ivanavič. Im staviać u vinu č. 1 art. 342 KK RB (aktyŭny ŭdzieł u hrupavych dziejańniach, jakija hruba parušajuć hramadski paradak), pišuć bresckija pravaabaroncy.
Pa danych bresckich pravaabaroncaŭ, Turubčuk i Mirašničenku buduć sudzić mienavita za «karahodnuju» akcyju pratestu.
Taja akcyja prachodziła 13 vieraśnia 2020 hoda ŭ Breście. Pratestoŭcy prajšlisia maršam pa horadzie, spynilisia na skryžavańni bulvaraŭ i praśpiekta Mašerava, ludzi śpiavali pieśni, častka vadziła karahod na prajeznaj častcy.
Śpiarša za heta pratestoŭcaŭ sudzili pavodle artykuła 23.34 KaAP za «niesankcyjanavanaje masavaje mierapryjemstva», a potym raspačali kryminalnuju spravu pavodle artykuła 342 KK. Na ciapierašni momant viadoma pra 135 čałaviek, jakija atrymali prysudy pa kryminalnym artykule za «karahodnuju spravu».
Čytajcie taksama:
U Dubroŭnie za adzin repost na sutki adpravili inžyniera ilnozavoda
Maładoha bijołaha sudziać za finansavańnie «ekstremizmu»
Za začynienymi dźviaryma sudziać 74-hadovaha piensijaniera z Chojnikaŭ
