Anhlija, na vychad! «Mančester Sici» i «Arsienał» vylecieli ź Lihi čempijonaŭ
Ukrainiec Andrej Łunin vyciahnuŭ «Reał» u paŭfinał.
Džud Bielinhiem źviartajecca da fanataŭ «Reała» padčas sieryi pienalci. Fota: Dave Shopland / AP
U pieršym matčy ŭ Madrydzie była ničyja 3:3. «Reał» siońnia pieršym adkryŭ lik u sustrečy: na 12-j chvilinie vyznačyŭsia Radryha, a potym karaleŭski kłub syšoŭ u hłybokuju abaronu.
«Mančester Sici» — pieramožca minułaj Lihi čempijonaŭ — uzłamaŭ hetu abaronu na 76-j chvilinie vysiłkami Kievina de Brujnie — 1:1. Asnoŭny i dadatkovy čas tak i skončylisia.
U matčy i ŭ sieryi pienalci hierojem staŭ ukrainski hałkipier «Reała» Andrej Łunin, jaki zrabiŭ niekalki sejvaŭ i ŭ sieryi 11-mietrovych adbiŭ udary Biernarda Siłvy i Matea Kovačyča.
«Bavaryja» siońnia vyjhrała ŭ Miunchienie ŭ łondanskaha «Arsienała» 1:0 (pieršy matč — 2:2) i taksama vyjšła ŭ paŭfinał Lihi čempijonaŭ.
Takim čynam u paŭfinałach zhulajuć: «Reał» — «Bavaryja», «Barusija» — PSŽ.
Upieršyniu za try hady paŭfinały projduć biez anhlijskich kłubaŭ.
Paŭfinały projduć 30 krasavika, matčy ŭ adkaz 7 maja.
Finał — 1 červienia.
Čytajcie taksama:
«Bavaryja» vybiła «Arsienał» ź Lihi čempijonaŭ
Ahoń u Dortmundzie i siensacyja ŭ Barsiełonie: vyznačylisia pieršyja paŭfinalisty Lihi čempijonaŭ
Turkmienski futbolny kłub pabiŭ rekord Knihi Hinesa, ale taja čamuści hetaha nie pryznaje
