U Homieli asudzili rabotnika, jaki adzin spyniŭ cech svajho zavoda
U sudzie Savieckaha rajona Homiela 12 krasavika da troch hadoŭ kałonii asudzili supracoŭnika AAT «Homielski zavod puskavych ruchavikoŭ» Ivana Pamiesiačnaha. Jaho abvinavacili ŭ «błakavańni abo madyfikacyi kampjutarnaj infarmacyi, što paciahnuła ciažkija nastupstvy» pavodle č. 3 art. 350 Kryminalnaha kodeksa. Prysud vynies sudździa Alaksandr Mocharaŭ, paviedamlaje «Viasna».
Ivan Pamiesiačny ŭ cechu AAT «Homielski zavod puskavych ruchavikoŭ». Fota: hazieta «Saviecki rajon»
Pavodle viersii abvinavačvańnia, 16 listapada 2022 hoda Ivan Pamiesiačny «z pomsty za nibyta nie vypłačanuju ŭ poŭnym abjomie zarabotnuju płatu» vydaliŭ dostup da sistemnych fajłaŭ, pryvioŭšy ŭ niaspraŭny stan prahramnaje zabieśpiačeńnie. Jahonyja dziejańni zabłakavali «kampjutarnuju sistemu» i paciahnuli «ciažkija nastupstvy ŭ vyhladzie materyjalnych vydatkaŭ, nakiravanych na pryciahnieńnie padradnaj arhanizacyi dla vykanańnia rabot pa raspracoŭcy novych prahram, dakumientacyi i rabot, u sumie 99 000 rubloŭ».
U vyniku Ivanu Pamiesiačnamu pryznačyli try hady pazbaŭleńnia voli ŭ kałonii ŭzmocnienaha režymu. Akramia taho, homielca abaviazali vypłacić pradpryjemstvu 98 500 rubloŭ u košt kampiensacyi škody.
Čytajcie taksama:
Da palitźniavolenaj Paliny Šarenda-Panasiuk znoŭ nie puścili advakata
Žycharu Homiela za ŭdzieł u pratestach u 2020 hodzie dali dva hady
