Hazietam zabaranili publikavać źviestki pra novanarodžanych
Ci možna ŭ miascovych hazietach abo na sajtach publikavać biez zhody baćkoŭ naviny pra novanarodžanych? Nie, patłumačyli ŭ Nacyjanalnym centry abarony piersanalnych źviestak, paviedamlaje pres-słužba centra.
Ilustracyjnaje fota: «Naša Niva»
U centr pastupiła skarha, što na internet-sajcie adnoj haziety biez zhody baćkoŭ kožny miesiac publikujucca naviny ab novanarodžanych, jakich zarehistravaŭ adździeł ZAHS. Pryčym ukazvajuć proźvišča, imia i imia pa baćku małych, a taksama daty ich naradžeńnia.
Jak tłumačać u Nacyjanalnym centry abarony piersanalnych źviestak, raźmiaščeńnie takoj infarmacyi na sajcie ŚMI ličycca raspaŭsiudžvańniem piersanalnych danych, što idzie biez naležnych pravavych padstaŭ. U vyniku pa patrabavańni centra publikacyi spynili.
Udakładniajecca, što raspaŭsiudžvańnie piersanalnych źviestak i inšaja ich apracoŭka mahčymyja tolki sa zhody subjekta abo ŭ vypadkach, praduhledžanych zakanadaŭstvam.
Čytajcie taksama:
U Biełarusi zabaranili dziciačuju vopratku papularnaha brenda
Hiniekołah z Hrodna stvaryła dadatak dla žančyn — anałah suśvietna viadomaha Flo
