Łukašenka dazvoliŭ spatkańnie ŭ kałonii Anžaliki Borys z žurnalistam Andrejem Pačobutam
Anžalika Borys sustrełasia ŭ kałonii z asudžanym na vosiem hadoŭ žurnalistam Andrejem Pačobutam — spatkańnie dazvoliŭ Alaksandr Łukašenka. Učora pra heta Borys raspaviała na sustrečy z prezidentam Polščy Andžejem Dudam, piša Reform.news.
Prezident Polščy Andžej Duda (źleva) sustreŭsia z Anžalikaj Borys. Fota Kancylacyi prezidenta Polščy
Duda sustreŭsia z pradstaŭnikami kiraŭnictva zakrytaha biełaruskimi ŭładami Sajuza palakaŭ u Biełarusi Anžalikaj Borys i Marekam Zanieŭskim.
«Anžalika Borys paviedamiła pra sustreču z Andrejem Pačobutam, jaki znachodzicca ŭ źniavoleńni ŭ Navapołackaj kałonii, jakaja adbyłasia sa zhody Alaksandra Łukašenki», — havorycca ŭ paviedamleńni kancylaryi.
Kali Borys pabyvała ŭ kałonii i bačyła Pačobuta, u paviedamleńni nie ŭdakładniajecca.
Z aktyvistami polskaj mienšaści ŭ Biełarusi sustrakalisia taksama dziaržaŭny sakratar kancylaryi premjer-ministra Andžej Dera i staršynia praŭleńnia Fondu «Dapamoha palakam na Uschodzie» Mikałaj Falkoŭski.
Andrej Pačobut u sudzie. Fota: sb.by
Andreja Pačobuta zatrymali try hady tamu, 21 sakavika 2021 hoda ŭ Hrodnie. Za artykuł pra napad SSSR na Polšču ŭ vieraśni 1939-ha jaho abvinavacili ŭ «raspalvańni varožaści pa nacyjanalnaj prykmiecie». U 2023-m vynieśli prysud — 8 hadoŭ kałonii. 21 červienia stała viadoma, što palitviaźnia pieraviali ŭ navapołackuju kałoniju № 1.
Čytajcie taksama:
