Pad Minskam surjoznaje DTZ — sutyknulisia aŭtobus i fura
Avaryja z udziełam aŭtobusa i fury adbyłasia 16 krasavika na Mahiloŭskaj šašy na ŭjeździe ŭ Minsk a vośmaj hadzinie ranicy, piša Onlíner. Pa papiaredniaj infarmacyi, paciarpieli 14 čałaviek.
Fota i videa: čytačy Onlíner
— Na padjeździe da Šabanoŭ [sutyknulisia] aŭtobus haradski i siedłavy ciahač. U aŭtobusa raźbity ŭsia piaredniaja častka i bakavyja šyby. Ulacieŭ u bok hruzaviku, — paviedamiŭ adzin ź vidavočcaŭ.
Inšyja paviedamlajuć pra toje, što ŭ bok miesca DTZ jechali niekalki aŭtamabilaŭ chutkaj dapamohi.
«8 chutkich, 2 pažarnych. Kudy mienavita, niezrazumieła, u bok Šabanoŭ» , — napisali ŭ čat-bot redakcyi.
Pa papiaredniaj infarmacyi, paciarpieli 14 čałaviek, piša «Minskaja praŭda».
Na videa, dasłanych u redakcyju Onlíner, možna bačyć situacyju ŭžo paśla DTZ. Pobač z aŭtobusam šmat ludziej, mašyny chutkaj dapamohi.
Pavodle papiaredniaj infarmacyi, maršrutny aŭtobus urezaŭsia ŭ hruzavy aŭtamabil Volvo, jaki stajaŭ.
Čytajcie taksama:
U Homieli tralejbus sutyknuŭsia z maršrutkaj — paciarpieli try čałavieki
