U Izraili harełku «Belarus» pryznali niebiaśpiečnaj dla zdaroŭja
Ministerstva achovy zdaroŭja Izraila pieraścierahaje nasielnictva ad užyvańnia kantrafaktnaj ałkaholnaj pradukcyi. U paviedamleńni zhadanyja: harełka «Belarus», harełka «Rabinoff» i śpirt «96,6%», piša newsru.co.il.
Fota: Minzdaroŭja Izraila
«Pradukty nie adpaviadajuć standartu, niekatoryja ź ich utrymlivajuć anamalny adsotak mietanołu, inšyja ŭtrymlivajuć tre-butanoł (tre-butyłavy śpirt, 2-mietyłprapan-2-oł), jaki zabaroniena vykarystoŭvać u ałkaholnaj pradukcyi, bo jon moža vyklikać razdražnieńnie skury i vačej», — havorycca ŭ paviedamleńni Ministerstva achovy zdaroŭja.
«Užyvańnie mietanołu ŭ vysokich dozach moža vyklikać pabočnyja efiekty, jakija prajaŭlajucca ŭ słabaści, błytanaści śviadomaści, hałaŭnych bolach, vanitach, bolach u žyvacie i kurčach. Akramia taho, užyvańnie mietanołu moža vyklikać ślepatu i navat śmierć», — papiaredžvaje Ministerstva achovy zdaroŭja Izraila.
Harełka «Belarus» (1 ł) była vyrablenaja izrailskaj kampanijaj «Hadzi» (štrych-kod 3313150 i 6784593379623). Pra niebiaśpieku ŭžyvańnia hetaj harełki Ministerstva achovy zdaroŭja Izraila papiaredžvała nieadnarazova.
Akramia taho, Minzdaroŭja nastojliva rekamienduje nie kuplać śpirt «96,6%». Dadadzienaja ŭ «čorny śpis» harełka «Rabinoff» (1 ł).
Dadatkovuju infarmacyju možna atrymać na haračaj linii Ministerstva achovy zdaroŭja pa telefonie *5400.
Čytajcie taksama:
Biełarusy stali pić mienš harełki i piva
Jak ałkahol upłyvaje na žyvot i čamu ad ałkaholu stuł stanovicca dziŭnym?
U biełaruskich kramach stanie mienš harełki i pładovych vinaŭ. Što zdaryłasia?
