Zialenski zaklikaŭ sajuźnikaŭ abaranić Ukrainu hetak ža sama, jak Izrail
Prezident Ukrainy Uładzimir Zialenski pa vynikach siońniašniaha pasiadžeńnia Staŭki viarchoŭnaha hałoŭnakamandujučaha pravioŭ anałohiju pamiž Izrailem i Ukrainaj, jakija nie źjaŭlajucca čalcami NATA, i zaklikaŭ mižnarodnych partnioraŭ uzmacnić namahańni suprać rasijskaha teroru dy i paskoryć pieradaču Ukrainie srodkaŭ SPA, piša «Ukrainskaja praŭda».
Uładzimir Zialenski. Fota ilustracyjnaje
«Vidavočna, što fizičnaja abarona nie moža całkam źbierahčy ad udaraŭ terarystaŭ niekatoryja abjekty. Heta moža zrabić tolki dosyć efiektyŭnaja SPA. My ŭdziačnyja tym siabram, jakija heta razumiejuć i chutka adhuknulisia na našy zakliki padtrymać ukrainski pavietrany ščyt.
Ale intensiŭnaść rasijskich napadaŭ patrabuje bolšaha jadnańnia. Abaraniŭšy Izrail, svabodny śviet prademanstravaŭ, što mienavita takoje jadnańnie nie tolki mahčymaje, ale i na sto pracentaŭ efiektyŭnaje.
Rašučyja dziejańni sajuźnikaŭ nie dapuścili pośpiechu teroru dy straty infrastruktury i prymusili ahresara astyć. Toje ž mahčyma i ŭ abaronie ad teroru Ukrainy, jakaja, jak i Izrail, nie źjaŭlajecca členam NATA. I dla hetaha nie patrebnaja aktyvacyja 5-ha artykuła, dastatkova tolki palityčnaj voli».
Čytajcie taksama:
Čamu Izrail adbiŭ hrandyjozny ŭdar Irana? Biez dapamohi sajuźnikaŭ usio było b zusim nie tak radasna
«Majo serca — z narodam Izraila». Cichanoŭskaja asudziła načnuju ataku Irana
