Ułady Hiermanii raspracoŭvajuć antyterarystyčny płan na čas praviadzieńnia Jeŭra-2024
Zaraz situacyja značna bolš niebiaśpiečnaja, čym padčas Čempijanatu śvietu 2006 hoda, jaki taksama prajšoŭ u Hiermanii.
Niamieckija palicejskija patrulujuć čyhunačny vakzał. Fota: Michael Probst / AP
Terarystyčnyja arhanizacyi isłamskich fundamientalistaŭ pahražajuć napadami padčas čempijanatu Jeŭropy pa futbole, jaki projdzie hetym letam u Niamieččynie, piša Bild.
Fiederalny ministr unutranych spraŭ Nensi Fiezier užo rasparadziłasia ŭvieści pamiežny kantrol na miežach Niamieččyny na ŭvieś pieryjad čempijanatu z 14 červienia pa 14 lipienia.
«Biaśpieka čempijanatu Jeŭropy pa futbole ŭ našaj krainie maje najvyšejšy pryjarytet. Palicyja budzie mieć vialikuju prysutnaść na ŭsich placoŭkach, usiudy, dzie šmat ludziej», — skazała Fiezier.
Śpiecpadraździaleńni SEK buduć znachodzicca na kožnym abjekcie Čempijanatu Jeŭropy dla taho, kab siłaviki mahli nieadkładna ŭmiašacca ŭ situacyju.
Palicejskim pa ŭsioj krainie ŭviedziena zabarona na adpačynak padčas čempijanatu.
Ministr unutranych spraŭ Słavienii Bošcian Pakłukar u razmovie z Bild adznačyŭ, što «słavienskaja palicyja taksama voźmie ŭdzieł u čempijanacie Jeŭropy pa futbole».
«Isnuje ryzyka taho, što terarysty mohuć trapić u ES nielehalna. U hetym kantekście tak zvany bałkanski mihracyjny maršrut praciahvaje ŭjaŭlać saboj adnu z samych vialikich prablem», — skazaŭ jon.
Čytajcie taksama:
Vyznačylisia ŭsie ŭdzielniki čempijanatu Jeŭropy pa futbole
«Bajer» ź Levierkuzena ŭpieršyniu ŭ svajoj historyi staŭ čempijonam Hiermanii pa futbole
