Vyjšła hruntoŭnaje vydańnie «Bieł-čyrvona-bieły. Ściah — nacyja — identyčnaść»
Vydaviectva «Januškievič» padrychtavała ilustravanaje navukovaje daśledavańnie pra nacyjanalny ściah biełarusaŭ.
Kniha «Bieł-čyrvona-bieły. Ściah — nacyja — identyčnaść» nie zakryvaje ŭsie prablemy, źviazanyja z historyjaj bieł-čyrvona-biełaha ściaha, — tłumačać aŭtary vydańnia, — ale jana zaklikana pakłaści pieršy kamień u pačatak dalejšych navukovych daśledavańniaŭ hetaj aktualnaj i žyćciova važnaj dla Biełarusi temy.
Fota: knihauka.com
Vydańnie pačynajecca z analizu vytokaŭ i simvalizmu bieł-čyrvonych koleraŭ u biełaruskaj vieksiłałohii, praciahvajecca histaryčnym ahladam — štandarami paŭstancaŭ 1863-1864 hadoŭ; bijahrafijaj Duž-Dušeŭskaha; pieryjadam Zachodniaj Biełarusi; analizam niamieckich dakumientaŭ, jakija tyčycca nacyjanalnaj simvoliki ŭ Druhuju suśvietnuju vajnu; užyvańniem ściaha na emihracyi i ŭ pieryjad novaj chvali biełaruskaha adradžeńnia (kanca 1980-ch — pačatku 1990-ch).
Ludzi, jakija adstojvajuć ściah u najciažejšych umovach, z poŭnym pravam mohuć ličycca nacyjanalnymi hierojami. Adnym ź ich biassprečna źjaŭlaŭsia historyk Uładzimir Lachoŭski (1964—2021), jaki nie tolki daskanała, na asnovie archiŭnych krynic, viedaŭ historyju ściaha, ale i nie bajaŭsia dzialicca hetymi viedami z hramadstvam.
Pracujučy ŭ archivach roznych krain, jon sabraŭ nieacenny dakumientalny materyjał pa nacyjanalnaj simvolicy i da kanca svajho žyćcia imknuŭsia napisać pracu pra ściah, ale nie paśpieŭ… Razam z tym historyk Lachoŭski pakinuŭ vialikuju navukovuju spadčynu, bieź jakoj stvareńnie hetaha vydańnia było b niemahčymym.
Zaklučnaja hłava vydańnia ŭjaŭlaje saboj apošniaje intervju z historykam Uładzimiram Lachoŭskim.
Kniha kaštuje ŭ Polščy 59,90 złotych (14 jeŭra), dastaŭka ad 15 złotych pa Polščy (3,5 jeŭra), u Čechiju — 35 złotych (8 jeŭra), Litvu — 60 złotych (14 jeŭra), ZŠA — 65 złotych (15,2).
Čytajcie taksama:
«Naš ściah taptali i niščyli, a jon žyvie». Apošniaje intervju historyka Uładzimira Lachoŭskaha
Apošniaje adkryćcio historyka Lachoŭskaha: Dzień Voli ŭ savieckim Miensku 1920-ch
jany b moža i chacieli pisać Lijetuva, ale nie mohuć - NN usio-tki nie bulvarny arkuš, a hruntoŭnaje vydańnie. tamu jany pišuć aficyjnuju nazvu ŭ našaj movie - Litva.
"heta faktyčna aznačaje razryŭ, najpierš duchoŭny, muža z rodam svaich baćkoŭ (baćki)."
Oo… nu jasna. nie budu zaminać vam hladzieć RIEN TV