U Siarhieja Karahanava, jaki zaklikaŭ nanieści «previentyŭny jadzierny ŭdar» pa Jeŭropie, znajšli kvateru ŭ Bierlinie
Pavodle infarmacyi Bild, Karahanaŭ vałodaje kvateraj u rajonie Prencłaŭer Bierh płoščaj 52 kvadratnyja mietry i zdaje jaje ŭ arendu, atrymlivajučy 850 jeŭraŭ štomiesiac.
Siarhiej Karahanaŭ. Fota Wikimedia Commons
U sakaviku 2023 hoda, piša vydańnie, Karahanaŭ daviedaŭsia, što nieŭzabavie trapić u sankcyjnyja śpisy, paśla čaho aformiŭ akt dareńnia svajoj doli ŭ kvatery na žonku, jakaja ciapier saŭładalnica nieruchomaści.
Adnak, adznačaje Bild, niamieckija ŭłady asprečyli pravamiernaść uhody, i jana była pryznanaja niesapraŭdnaj. Takim čynam, Karahanaŭ zastaŭsia saŭładalnikam kvatery, ale praz sankcyi nie moža atrymlivać ź jaje prybytak.
Karahanaŭ znachodzicca pad sankcyjami ES z červienia 2023 hoda.
Raniej raskošnuju nieruchomaść u Jeŭropie vyjavili ŭ mnohich inšych rasijskich palitykaŭ i prapahandystaŭ, jakija na publiku zaŭziata krytykujuć Jeŭropu i raskazvajuć pra jaje dehradacyju. U tym liku ŭ zorki rasijskaha TV Uładzimira Sałaŭjova.
Čytajcie taksama:
Syn prapahandysta Sałaŭjova žyvie ŭ Łondanie. Jaho baćka zaklikaŭ bambić horad
U rasijskaha teleprapahandysta znajšli jašče adnu viłu ŭ Italii VIDEA
